محمد ابراهيم ڀلائي (ولادت 1932ع وفات 2012ع)
اچ امير محمد، منهنجا جيءَ جيارا،
آهيان دلگير، ورج وير، لهج سار سونهارا.
چوان سچ، ڪيم ڪچ، سگهو اچ پيارا،
ڏسي ڏوهه ڳرن ڳچ، رهبر رس خدارا.
ڪري ڏوهه ٿيس لوهه تڳان توهه توهان جي،
ڪريان ڪوهه ڇُٽم ڇوهه، رسج شاهه سچارا.
هيڻا هڏ ڪريان سڏ آهيان ڏڏ ڏوهاري،
غمن گهر آهيان نڌر، ويم سڀ سهارا.
سنگت ساٿ، ڇڏيو ساٿ، ڀڳا مِٽَ مڙيئي،
سڳن ساهه ويو لاءُ ڏين ڏک اپارا.
سڻي سوال ڪريو ڀال، ڀلا ڪريو “ڀلائي”
ڪريو ٻاجهه سَرَن ڪاڄ وڃن غم گذارا.