عبدالڪريم “دلِ” دائودپوٽو (ولادت 1954ع)
اچانڪ قاصدِ صياد هي پيغام آندو آ،
بت بي پير ڄڻڪ زندگي جو جام آندو آ.
قفس ۾ ڪيئن اميد سحر آهي هلي آئي،
خدايا خير ڪر صياد هي انعام آندو آ.
صراحي، جام، بامِ لب رکي پرده نشين آڻي،
لڳي ٿو زندگي منهنجيءَ جو هن انجام آندو آ.
خيال يار کي پوشيده رکيو مون، مگر ظالم،
سزاءِ زندگيءَ جو حڪم بر سري عام آندو آ.
سري مقتل مون گردن کي ڪيو نم بي خبر آهي،
لڪائي پردي ۾ هٿيار هن گمنام آندو آ.
ويو تبديل ٿي ماحول، زندان خاني جو هڪدم،
خبر پئي آ ته قاتل پاڻ سان گلفام آندو آ،
دعا دستِ خدائي سان گهري پيو اڄ صنم مون لئه،
“دل” مضطر لئه حاتف ڪو نئون الهام آندو آ.