حڪيم مخدوم محمد مراد صديقي (ولادت 1925ع وفات 1999ع)
تبارڪ اسمڪ يا ذا الجلال والاڪرام،
صلاتون احمد مُرسل تي ۽ هزارين سلام،
الاهي تنهنجي توڪل تي ٿو کلي هي در،
انهي کي پنهنجي ڪرم سان شفا جو مرڪز ڪر،
مفيد عام دواخاني کي ترقي ڏي،
ڪرم سان تنهنجي اڃان ڀي وڌيڪ اڳتي وڌي،
“مفيد عام” کي يا رب مفيد عام بڻاءِ،
“نصير دين” کي پڻ تون ئي نيڪ نام بڻاءِ،
“نصير دين” ٿئي شال ڪامياب حڪيم،
هتان شفا وٺي، سڀڪو ۽ لا علاج سقيم،
“حسن”، “حسين” ۽ “اَحسن” کي علم سان سينگار،
انهن کي راهه هدايت الاهي پڻ ڏيکار،
انهن کان پوءِ ننڍا جيڪي محسن و حسان،
“فواد” “فهد” به تنهنجي حوالي يا رحمان،
“مراد” سر بسجود آهي يا خدا تو در،
جو ان تي نعمتون تنهنجون شمار کان ٻاهر.
مخدوم محمد مراد صديقي هي “دعا” جمع 31 آگسٽ 1984ع تي پنهنجي فرزند نصير الدين کي دواخانو کولي ڏيڻ مهل “پڙهي ٻڌائي” هئي. سندس جي وفات 19 ربيع الاول 1420هه 6 جولاءِ 1999ع تي سيوهڻ شريف ۾ ٿي. کيس کي سيوهڻ ۾ سندس اباڻي قبرستان ۾ دفنايو ويو.