گل محمد لنجار ولادت (ولادت 1850ع وفات 1900ع کانپوءِ)
اي ڪبوتر ڪربلا جي ڪر خبر،
ڪيترا ڏينهن ٿيا ابي کي منجهه سفر،
آئون ابي لاءِ ئي ڪريان رويو حشر،
۽ ابي منهنجي لڌي ڪا ڪانهي خبر،
اي پکي ڪر ڪو ابي جو مون سين حال،
تاڪ جيئرو آهي يا ڪيائين وصال.
اڳتي مونکي ناهي طاقت ناهي تاب،
جو لکان صغران جي ماتم جو جواب،
سيدا عالي قدر عالي جناب،
جن ڪُٺو توکي حشر لهندو عذاب،
۽ جيئڻ تنهنجي مون هو سڀ ڪنهن لقا،
جو ڪنديءَ ساري امت تي تون شفا.
۽ ڪجان هي عرض عاصيءَ جو قبول،
جي ڪري مسڪين ماند دل ملول،
ڪربلا ڏي ڪج ڪا قسمت ٿيان وصول،
ساڻ پيشانيءَ پسان روزو رسول،
“گل محمد” ٿو ڪري سائل هي صدا،
ماتمين جو هٿ کان ڪجان نه هٿ جدا.