پروفيسر منظور علي “حقير” سيوهاڻي (ولادت 1944ع)
جان پنهنجي ڪانه پياري پر وس ڪيان جي وس پڄي،
پري رهي سگهجي نه ٿو، مان وس ڪيان جي وس پڄي.
ڪلڪ ڪاٺي ڪا ڪري، جي ڪانهه مان ڪانو ڪڍي،
تنهن ڪلڪ جي لاءِ خون پنهنجو، مس ڪيان جي وس پڄي.
ناز مان نازڪ بدن، ناگاهه نڪري ٿو جتان،
مان راهه ٿيان مان رند ٿيان، مان گس ٿيان جي وس پڄي.
لال سي لبڙا ڏسي، دلبر جي لئه سڀ ڪو ٿو چئي،
ٿي مکو اڏري وڃان، مان رس پيان جي وس پڄي.
ظلم ڪيئي ٿو ڪري، پوءِ به چوندو ٿو وتي،
“حقير” کي تڙپائي مان بيوس ڪيان جي وس پڄي.