خوشيءَ جو سبب
وراڻيائين: ”سائين هيءَ زندگي تمام مختصر آهي. ان مان جيڪو عرصو اسان سامونڊي زندگيءَ ۾ هونداسين اهو اڃا به ننڍڙو آهي. ان سامونڊي زندگيءَ ۾ مختلف جھازن مان هر جھاز تي رهڻ جو مدو اڃا به معمولي آهي. ۽ هر جھاز تي ڪيل هر سفر (Voyage) جا ڏينھڙا اڃا به وڌيڪ ٿورا آهن. ۽ انھن ٿورن ڏينھن ۾ جيڪو واندڪائيءَ جو وقت ملي ٿو اهو ڪي پھر مس ٿيندو ۽ انھن پھرن مان جيڪي لمحا هڪٻئي سان گڏ وهڻ ۽ ميل ملاقات جا ملن ٿا اهي ته ايترا گهٽ آهن جو انھن ۾ ڇا ويھي وڙهجي. اهي ٻه چار گهڙيون هڪ ٻئي سان کلي گهارڻ ئي سٺو.“