ڏسڻي
1. آپے چنگے، جگ چنگا۔ (کہاوت)
2. آخنی تیہو کی، سنانی نوآں کی۔ (کہاوت)
3. آدھا پہانڈا بھلا چھلکے۔ (کہاوت)
4. آزمی نا رہنا، اسنی گل رئی گشنی۔ (کہاوت)
5. آئی جہڑا کیں راسو، کل اوئے کپسو۔ (کہاوت)
6. آئی مہاڑے نال، کل تواڑے نال۔ (کہاوت)
7. اپنا ٹہڈہ، کتا وی پالی کہنناں آ۔ (کہاوت)
8. اپنا خون، اپناژیے ہوناں۔ (کہاوت)
9. اپنا دیدیاں سوائیں، لو نئی لگنی۔ (کہاوت)
10. اپنا ماری چھاوے سٹناں، پرایا ماری طہ دھپے چ سٹناں۔ (کہاوت)
11. اپنی جانی اپر بنی ہوئی وے، دوئے ناں خیال نا اشناں۔ (کہاوت)
12. اپنی ککڑی چنگی وے، طہ دوئے نے کہر انٹے کیاں وے؟۔ (کہاوت)
13. اپنی لسی کی، کوئی کٹھیاں ناں آخناں۔ (کہاوت)
14. اتنا کھائو، جتنا پچائی سکو۔ (کہاوت)
15. اتنے مٹھے ناں بنو کہ دوآ نگلی شوڑے، اتنے کوڑے وی نہ بنو کہ دوآ تھکی شوڑے۔
16. ادھی چھوڑی پوری واخ نسیا، ادھی وی گی۔ (کہاوت)
17. ادھی رات پئی، بے للی کٹوا تہوتا۔ (کہاوت)
18. اژے جیو، تختے ر پیہالنی، اژے جیو، بیزت وی کرانی۔ (کہاوت)
19. استازاں نی مار طہ ماؤ پیئو ناں پیار، ایویں نئے ہونیں۔ (کہاوت)
20. اسمانے واخ موں کری تھکو طہ تھک اپنے ژے موئیں راشناں۔ (کہاوت)
21. اسے کتے نیاں تہپاں، پو مائیں ناں سیوں، سانونے نی چہڑی، چیترے نیاں بھکاں بریاں۔
22. اصل کولا خطا نئی، کم اصل کولا وفا نئی۔ (کہاوت)
23. افسر نی اگاڑی بری، کہوڑے نی پـچھاڑی بری۔ (کہاوت)
24. اکاں نال انب، نئے لگنے۔ (کہاوت)
25. اکھلیا وچ سر دتیا مولے نہ کہہ ڈر۔ (کہاوت)
26. اگ طہ پائنیں ناں، کئہ ملاپ۔ (کہاوت)
27. اگے دوڑ، پچھے چھوڑ۔ (کہاوت)
28. اگی ناں سڑیا مولی رہناں، گلاں ناں سڑیا نا مولنا۔ (کہاوت)
29. الارناں طہ مارناں؛ ہک بروور۔ (کہاوت)
30. الٹا چور، کوٹوال/ کوتوالے کی ڈاٹے۔ (کہاوت)
31. الٹیاں نے ککڑ، تہڑھ ہیٹھ تہ جنگاں اپر۔ (کہاوت)
32. اللہ جس ویلے دیناں، چھپر پھاڑی دیناں۔ (کہاوت)
33. اللہ رکھے کن ڑ چکھے۔ (کہاوت)
34. اللہ گنجے ناں ناخن ناں دیئے۔ (کہاوت).
35. اللہ نیں گانوائے، پکھلی چھوڑ ہزارے آئے۔ (کہاوت)
36. امید نیں سرے دنیا قیم ای۔ (کہاوت)
37. ان ہلے کی ہلاژے ناں، ہلے ناں بنڈا گنواژے ناں۔ (کہاوت)
38. انا بنڈے ریوڑیاں، مڑی مڑی اپنے کہر- (کہاوت)
39. انا/ انھاں کہہ لوڑے/ منگے دو اکھیں۔ (کہاوت)
40. اندرے نی کند اندرے ٹہہ تہ چنگی ہونی۔ (کہاوت)
41. انھے اگیں رونا، ڈورے اگیں گانا؛ ہیکے جیا۔ (کہاوت)
42. انھی پینی گئی، کتے چٹنے گے۔ (کہاوت)
43. انھے طہ کانے نی، ہیک رغ وادھو ہونی۔ (کہاوت)
44. انھیاں وچ کاناں؛ راجہ۔ (کہاوت)
45. اواسی، نندرے نی ماسی۔ (کہاوت)
46. اودھار کہنناں سان، طہ مکانا اوخا۔ (کہاوت)
47. اوڑھی ایلے پھاواڑے، یاد رہیلے تہاڑے۔ (کہاوت)
48. اوخا ویلا لنگھی گشناں۔ (کہاوت)
49. اوخے ویلے کھوتے کی وی باوا آخناں پیناں۔ (کہاوت)
50. اولاد بڑی ہوئی گچھے، اس اپر ہتھ نیا چانیا۔ (کہاوت)
51. اول خیشاں، بعد درویشاں۔ (کہاوت)
52. اونٹھیں کنے یاریاں تہ در نیویں۔ (کہاوت)
53. اووی کوئی جناں آ، جہڑا جنے نی قدر ناں کرے۔ (کہاوت)
54. بادشاں روی، اے ٹیم اشناں۔ (کہاوت)
55. باہرے نی ساری کولا، کہرے نی ادھی چنگی۔ (کہاوت)
56. بٹیا توں گول کس طرحے وا ایں؟ اخے؛ رڑی رڑی طہ۔ (کہاوت)
57. بٹیا کنی، کھوڈیا کانیاں، پٹیا گنی، ریسو مانیاں۔ (کہاوت)
58. بچہ روئے ناں ماء دھدھ وی نئی دینی۔ (کہاوت)
59. بچہ طہ بڈھا ہیک بروور۔ (کہاوت)
60. بچے پیار نیں ہونیں۔ (کہاوت)
61. بچھا کلے نے زورے رتا نغنا۔ (کہاوت)
62. بخشش سو نی، لیخا تہلے ناں۔ (کہاوت)
63. بد کولا، بدناں برا۔ (کہاوت)
64. بدخوئی، چھپی نئی رہنی۔ (کہاوت)
65. بدل برہے عین گلے، تلاٹ ساندیاس۔ (کہاوت)
66. بدلی ناں دیہوں، روئی زمیاناں ترہپا، ماتریائو ناں تہپھانی چہلنوں ناں۔ (کہاوت)
67. بدھو پڑھیا فارسی، سولا دونے آٹھ۔ (کہاوت)
68. برائی کی، جڑے چا پٹو۔ (کہاوت)
69. برے کی، کہرے توڑی پوچاؤ۔ (کہاوت)
70. برے ناں پلاہ وی برا۔ (کہاوت)
71. بڑا اخاناں سخلا، بڑا بنناں اوخا۔ (کہاوت)
72. بڑا بول ناں بولو، اللہ نے قہرے کولا ڈرو۔ (کہاوت)
73. بڑا بیری کن؟ اپنا پیٹ۔ (کہاوت)
74. بڑا کرے طہ نکا پہرے۔ (کہاوت)
75. بڑا ناں، اللہ ناں۔ (کہاوت)
76. بڑی پہرجھائی، مائو نی جائی۔ (کہاوت)
77. بڑے سر، بڑیاں پگاں۔ (کہاوت)
78. بڑے کہراں نے، بڑے در۔ (کہاوت)
79. بڑیاں شہریاں ناں، بڑیاں گلاں۔ (کہاوت)
80. بڑیاں نی مت، آملیاں ناں سود بعد وچ اشناں۔ (کہاوت)
81. بڑیاں نیاں گلاں، بڑے جانن۔ (کہاوت)
82. بڑیاں نیاں گلطیاں نیا پوڑنیا۔ (کہاوت)
83. بڑھے تھیں پہلیاں، نکلے ناں راء دھیکھی کہنو۔ (کہاوت)
84. بغنے دریا چا، ہر کوئی پیناں/ پہرناں۔ (کہاوت)
85. بغنے دریا کول گچھے تہ دریاہ سکی گچھے۔ (کہاوت)
86. بکری دھدھے چ مینگناں بائی طہ دینی۔ (کہاوت)
87. بکرے نی ماں کدوں توڑی خیر مناسی۔ (کہاوت)
88. بکری وی جاغا کھسی بیجنی۔ (کہاوت)
89. بکریاں جانی نی، قصایئے منجھے نی۔ (کہاوت)
90. بلائیں ناں لاقہ؛ ناں بندہ، ناں بندے نی ذات۔ (کہاوت)
91. بلنی اپر بال کہ پھوکنا ناں پیئی، نیڑیاں بلا کہ کوکناں پئی۔ (کہاوت)
92. بلنیاں نا ہر کوئی، ہسیاہ نیاں نا کوئی نا۔ (کہاوت)
93. بلی شیں پڑھایا، شیں بلی کی کھان آیا۔ (کہاوت)
94. بلی موترے تہ پرلے وچ گارا۔ (کہاوت)
95. بلے نیں بلا نہ وے، متھے تارا ضرور ہوسی۔ (کہاوت)
96. بلیا نے کھاوے وچ چھچرے۔ (کہاوت)
97. بماری اشنی تیزی نال، گشنی دیری نال۔ (کہاوت)
98. بندہ اپنی مرضی اشناں، ناں ژے اپنی مرضی گشناں۔ (کہاوت)
99. بندہ آخناں؛ زیمی ماڑی، زیمی آخنی؛ توں ماڑا ایں۔ (کہاوت)
100. بندہ بندے ناں داروں ہوناں۔ (کہاوت)
101. بندہ کرے اولیاں/ کولیاں، رب کرے سولیاں۔ (کہاوت)
102. بندہ کمے نال، سوہناں لگناں۔ (کہاوت)
103. بندہ کہلا اشناں، طہ کہلا گشناں۔ (کہاوت)
104. بندہ، بندے نے وس ناں پے۔ (کہاوت)
105. بندہ، موتو نی امانت ای۔ (کہاوت)
106. بندے تائیں، شارہ کافی ہوناں۔ (کہاوت)
107. بے ادب بے نصیب۔ (کہاوت)
108. بے سوادیاں ناں کئہ سواد۔ (کہاوت)
109. بے شرمے نیں ٹہنڈریر اک جمیا، آخ نغا چھاوے بیساں۔ (کہاوت)
110. بے عیب ذات، خدا نی۔ (کہاوت)
111. بے وقوف کیاں مٹا، ناں نفع جانے ناں تروٹا۔ (کہاوت)
112. بے وقوفے نی کہوڑی؛ ہک چڑھیا بجی گئی، دو چڑھے دوڑی۔ (کہاوت)
113. بے وقوفے نیں سر پر سنگ نا ہونے۔ (کہاوت)
114. بیاہ، گڈے گڈیاں نی کھیڈ نئی۔ (کہاوت)
115. بیڑیاں لہاوتیں لائیاں، گدرئیں کہر بسائے۔ (کہاوت)
116. بیغانہ گہنا لایا، روپ کھڑایا۔ (کہاوت)
117. بیغانہ مال، چڑئیں نا ڈار۔ (کہاوت)
118. بیغانے برے، جنیں کچھے ہیٹھ چھرے۔ (کہاوت)
119. بیغانی پیڑھ، پانیئے کولا پتلی۔ (کہاوت)
120. بیکاری کولا، بیغار پہلی/ چنگی۔ (کہاوت)
121. بیں راؤ چنی، پانی پیو پنی۔ (کہاوت)
122. بھیلی رن؛ ناں کار، ناں کم۔ (کہاوت)
123. پانی چھیلے نال کیں نا لبھناں۔ (کہاوت)
124. پانئے نیں، ہتھ پیر نئے ہونیں۔ (کہاوت)
125. پائیوالی چ چغڑہ ہوناژیے ہونا۔ (کہاوت)
126. پتر چھجے وچا سئی اینا اوٹھی۔ (کہاوت)
127. پتھرے پانی کہہ کرسی۔ (کہاوت)
128. پٹیا پہاڑ، لکھتا چوہا؛ او وی ادھ موا۔ (کہاوت)
129. پچھیں مڑی کسے نا ڈٹھا۔ (کہاوت)
130. پد بیٹھے کھانے، چج بیٹھے چہورنے۔ (کہاوت)
131. پراراں سوائیں، کنڈھ ننگی۔ (کہاوت)
132. پراہ اوئے جہڑا پہار چہلے۔ (کہاوت)
133. پرچھاواں، ہتھ نا اشناں۔ (کہاوت)
134. پکھا رن بیچے، رجیا اودھاری منگے۔ (کہاوت)
135. پکھے کولا کسے پچھیا؛ دو طہ دو؟ اس آخیا؛ چار روٹیاں۔ (کہاوت)
136. پلے وے کہوڑ، چولہے بیجی چہور، پلے وے سچ، کوٹھے اپر چڑھی نچ۔ (کہاوت)
137. پنجے انگلیاں بروور نئیاں ہونیاں۔ (کہاوت)
138. پہاڑی/ پہیڑے یار کس کے، پہتا کھائی کھسکے۔ (کہاوت)
139. پہانڈاوے تہ خیر پٹی گینی۔ (کہاوت)
140. پہریا میلا چھوڑنا چنگا۔ (کہاوت)
141. پہڑ موں وے، گل چنگی کرنی چائی نی وی۔ (کہاوت)
142. پہڑا پتر طہ کھٹا پینسا کسے ویلے کم اچھی گشنیں۔ (کہاوت)
143. پہڑے پہڑے یار پھتو نیں۔ (کہاوت)
144. پہڑے کی وی، موئیں ر پہڑا ناں آخو۔ (کہاوت)
145. پہکھ نہ لوڑے ساغ، عشق نہ پچھے ذات۔ (کہاوت)
146. پہلا کرو، کھوئے چ سٹو۔ (کہاوت)
147. پہلے سال چٹی، دوئے سال ہٹی، ترئے سال کھٹی۔ (کہاوت)
148. پہلیں بونڑیں، یا اللہ برکت۔ (کہاوت)
149. پہنوں نیں کہر پراء مندا، سوہریاں نیں کہر جانوائی مندا۔ (کہاوت)
150. پوہسی اگ پھوکاں سوائیں نئی بلنی۔ (کہاوت)
151. پیٹ نہ پئیاں روٹیاں، سبھے گلاں کھوٹیاں۔ (کہاوت)
152. پیٹے ناں پکھا رجی گشناں، اکھاں ناں پکھا نا رجناں۔ (کہاوت)
153. پیر بڑا کیں زقین۔ (کہاوت)
154. پیر بڑے لہاراں نیں، طہ سر بڑے سرداراں نیں۔ (کہاوت)
155. پیر پتر ناں دیسی، ستھن طہ ناں لواسی۔ (کہاوت)
156. پیلے کیا موترے نا ہڑوہی بہوں دا۔ (کہاوت)
157. پینسا اپنا کھٹاوے، دوئیاں کئہ دوش۔ (کہاوت)
158. پینسا اچھنی گشنی چیز ای۔ (کہاوت)
159. پینسا اوئے جہڑا جیویچ، کڑی اوئے جہڑی ہیٹھ۔ (کہاوت)
160. پینسا ناں وے پلے، باءرا پینیں کھلے۔ (کہاوت)
161. پینسا ہتھ نی میل ہونا۔ (کہاوت)
162. پینسے کی پینسا، چھکناں۔ (کہاوت)
163. پیو اٹھے پتر بہہ، دیوان نہ خالی رہ۔ (کہاوت)
164. پیو کا ماؤ نال، مان پراؤ نال۔ (کہاوت)
165. پیئو نے مرن بعد نکا جمیا، کس کاری؟۔ (کہاوت)
166. پھاتھی ناں کئہ پھڑکنا۔ (کہاوت)
167. پھلاں نال کنڈے وی ہونیں۔ (کہاوت)
168. پھلی پینڑیں طہ ککو چگی گشناں۔ (کہاوت)
169. پھنڈ پھنڈ لیلیئے؛ اوہے سیلی، اوہے کنڈ۔ (کہاوت)
170. پھنڈے پھوکارنی کیاں دیئے، لوکیں ڈرانی دیس، ٹہناور کیا ہلانی دیئے، آپے ڈرنی دیس۔
171. پھیرنیاں نے پھیر؛ کیدے میڑو، کیدے تیل۔ (کہاوت)
172. تارو دریاہ وچ ڈبی مرناں۔ (کہاوت)
173. تاڑی دو ہتھاں نال بجنی۔ (کہاوت)
174. تاولی کھوتی، ترپے چ ژے رہنی۔ (کہاوت)
175. ترٹی باں اپنے گلے چ بانی پہنی۔ (کہاوت)
176. تریا آیا طہ چہگا گلیا۔ (کہاوت)
177. تریہا کھوئے کول گشناں، کھوہ ترہئے کول نا اشناں۔ (کہاوت)
178. تغدیر ڈاہڈی چیز ای۔ (کہاوت)
179. تلق داری وچ ادھار نہ دیئو، جے دیو طہ پلی گچھو۔ (کہاوت)
180. تلی اپر سریاں نئی جمنی۔ (کہاوت)
181. تہی پیٹ، کنک کھیت؛ آ جانوایا منڈے کھا۔ (کہاوت)
182. تو کن؟ میں خامخاہ۔ (کہاوت)
183. توکلے نیں بیڑے پار۔ (کہاوت)
184. تولے کتے ہڈ جات۔ (کہاوت)
185. تیتر میتر چہڑھ چڑیا طہ سمجھو بدل برس سی، رنڈی رناں سرمہ پایا سمجھو خصم کرسی۔ (کہاوت)
186. تیہاں اللہ نی دین/ رحمت۔ (کہاوت)
187. تیہاں بیغانیاں تہن۔ (کہاوت)
188. تیہاں پہناں، سسو سوہریاں نیں کہر چنگیاں لگنیاں۔ (کہاوت)
189. تیہاں ساریاں نیاں سانجھیاں ہونیاں۔ (کہاوت)
190. تیہاں کولا ناں ڈرو، تیہاں نیں لیخا کولا ڈرو۔ (کہاوت)
191. تیہو پہنوں ناں پینسا، نا پچنا۔ (کہاوت)
192. تھاڑو نے کہر ماڑو جمیا، ماڑو نے کہر مرلی، کھوڈے کانے جمنے لغے، پہرن گئی کھرلی۔
193. تھڑے ناں کوئی ایماں نا ہوناں۔ (کہاوت)
194. تھڑے ناں لاج آ، تھڑے ناں کیں لاج نا۔ (کہاوت)
195. تھکی، کوئی نا چٹناں۔ (کہاوت)
196. تھوڑا کھانا، سکھی سونا۔ (کہاوت)
197. تھوڑی کھٹی، زیدے برکت۔ (کہاوت)
198. ٹاس وی لوک کھنکائی طہ کہئیں۔ (کہاوت)
199. ٹرنیں داندے کی پھاٹھ نیا مارنیا۔ (کہاوت)
200. ٹکے نی گھتڑی، پیسہ بائی اتڑی۔ (کہاوت)
201. ٹہاناں سان، طہ چاڑھنا اوخا۔ (کہاوت)
202. ٹہڈ تو ساریاں نال لگا وا۔ (کہاوت)
203. ٹہنگا کہسے ڈومنی تہ گائے ساری رات۔ (کہاوت)
204. ٹھوکر لگنی طہ مت اشنی۔ (کہاوت)
205. جاغنیاں نیاں کٹیاں، ستیاں نیں کٹے۔ (کہاوت)
206. جان ای طہ جہان آ۔ (کہاوت)
207. جان ساریاں کی چنگی لگنی۔ (کہاوت)
208. جان مارے ناں کیں لبھناں۔ (کہاوت)
209. جان مردے منہ کو ہاڑیئے جاں رواس۔ (کہاوت)
210. جانی ناں صدقہ مال۔ (کہاوت)
211. جائیں کنیں کن وی رغڑنونے۔ (کہاوت)
212. جتنا زور وے اتنا ژیے پہار چاہژے۔ (کہاوت)
213. جتنا گڑ باسو، اتنا مٹھا ہو سی۔ (کہاوت)
214. جتنی چادر وے اتنے ژیے پیر پھلاؤ۔ (کہاوت)
215. جتنی گوڈی، اتنی گڈی۔ (کہاوت)
216. جتنے موں، اتنیاں گلاں۔ (کہاوت)
217. جتنیاں گائیں، اتنیاں بلائیں۔ (کہاوت)
218. جتھیں اگ، اتھیں تہوں۔ (کہاوت)
219. جتھیں ککڑ نیئں اوتھیں وی لوہوئی اینی۔ (کہاوت)
220. جتھیں گڑ، اتھیں مکھیاں۔ (کہاوت)
221. جتھیں وے پیار، اتھیں نہ کریئے اودھار۔ (کہاوت)
222. جٹھے نے سپے کولا کن کھاواں نا۔ (کہاوت)
223. جداں توڑی دم، ادھوں توڑی غم۔ (کہاوت)
224. جداں گدڑے نی موت اشنی، او گرائیں واخ ٹری پیناں۔ (کہاوت)
225. جس بوٹے نی چھاوا بینو، اسنی نیکی یاد رکھو۔ (کہاوت)
226. جس پہانڈیچ کھانیں، اسیچ موترنیں۔ (کہاوت)
227. جس پیٹ لایا، اوئے روزی وی دیسی۔ (کہاوت)
228. جس داخا ہتھ نہ پجے تھو کڑکی۔ (کہاوت)
229. جس دکھی نہ رجیئے، اس کھائی کہہ رجیئے۔ (کہاوت)
230. جس کوتے نہ ٹہوئی، او مکوالیں ہوئی۔ (کہاوت)
231. جس کی اپنا آخیا، اس نال کئہ حساو کتاو۔ (کہاوت)
232. جس کی اپنی عزتینی نئی، اے کی دوئے نی کئہ پرواہ۔ (کہاوت)
233. جس کی کنڈا چبھناں، درد اسے کی ہونا۔ (کہاوت)
234. جس کیں ناں ڈٹھا، اس پھپھڑ مٹھا۔ (کہاوت)
235. جس گرائیں نا گشنا، اس ناں راہ کئہ پچھنا۔ (کہاوت)
236. جس نا کھائیے، اس نیں گن گائیئے۔ (کہاوت)
237. جس نال پہلائی کرو، اوئے اکھیں کڈھناں۔ (کہاوت)
238. جس ناں کوئی نا ہونا، اس ناں خدا ہوناں۔ (کہاوت)
239. جس نیں دلے کی لگی وے، اوئی جانناں۔ (کہاوت)
240. جمنی ناں بالا، دسی رہنا۔ (کہاوت)
241. جمنیاں نیں دند کسے نئے پٹی ڈٹھے۔ (کہاوت)
242. جنجاں، بار بار نیژاں چڑھنیاں۔ (کہاوت)
243. جنگت کرے بیاہ گھتی چھنڈی، کڑی کرے بیاہ جتی چھنڈی۔ (کہاوت)
244. جنگلے چ مور نچیا کس ڈھٹھا۔ (کہاوت)
245. جنہاں آسرا رب ناں، انہاں رزق ہمیش۔ (کہاوت)
246. جنھاں کی پنے نی عازت پئی، گچھے او کمائی نئے کھانیں۔ (کہاوت)
247. جہا/ جیا موں، اوئے جئی چپیڑ۔ (کہاوت)
248. جہڈی اڈرنی اوئے پھسنی۔ (کہاوت)
249. جہڈی رات قووریچ لخی ہوئی وی، اوہ باءر نئی اشنی۔ (کہاوت)
250. جہڑا اپنا ناں، او کسے ناں وی نا۔ (کہاوت)
251. جہڑا چڑھسی، اوئے ٹہسی۔ (کہاوت)
252. جہڑا دکھنا جال دکھے، ماچھی دکھے مری گچھے۔ (کہاوت)
253. جہڑا دوئے تائیں ٹوآ کھنناں، او خد اس وچ ٹہناں۔ (کہاوت)
254. جہڑا زندہ وے، کدے ناں کدے ملناں۔ (کہاوت)
255. جہڑا سیانے آپ نوں، سیانو اس نیں باپ نوں۔ (کہاوت)
256. جہڑا گڑ کھادیاں مرے، اس کی زہر دتے نی کئہ لوڑ ای۔ (کہاوت)
257. جہڑا مری غا، اس تائیں قیامت شروع۔ (کہاوت)
258. جہڑا موئیں ر مکری گچھے، اس ناں کئہ لاج۔ (کہاوت)
259. جہڑے ایتھیں بدو، اوہ مکے وی بدو۔ (کہاوت)
260. جہڑے تنبی سیوانے، اؤ موترے نی وی جاء رکھنیں۔ (کہاوت)
261. جہڑے جوڑی غے، اؤ چھوڑی غے، جہڑے کھائی غے، اؤ لائی غے۔ (کہاوت)
262. جہڑے زیدے گرجنیں، اؤ برنے نئے۔ (کہاوت)
263. جہڑی کرے کیئو؛ ناں کرے ما، ناں کرے پیئو۔ (کہاوت)
264. جہڑھی چھاننی، اوہے جاننی۔ (کہاوت)
265. جہناں نیں پلے دانے، انہاں نیں کملے وی سیانے۔ (کہاوت)
266. جہیا تواڑا لون پانی، اؤے جہیا ماڑا کم جانی۔ (کہاوت)
267. جوان ہوئی ککڑ، بلئیں اپر پھرنا۔ (کہاوت)
268. جوانی وچ کھوتی وی سونی لگنی۔ (کہاوت)
269. جوڑے اسماناں ر بننیں۔ (کہاوت)
270. جولائیاں نیں ٹھٹھے، ماواں پہناں نال۔ (کہاوت)
271. جے روح اووہے جے فرشتے۔ (کہاوت)
272. جے کئیں آخسو، اوئے کئیں سن سو۔ (کہاوت)
273. جیا روح ناٹھیں نا، اوہے جا کہرا لیئے ناں وے تہہ کہہ لوڑیئے۔ (کہاوت)
274. جیدہر گئیاں بیڑیاں، اودہر گئے ملاح۔ (کہاوت)
275. جیڑی بلا اشنی، بڑیں واخا اشنی۔ (کہاوت)
276. جیڑے کہاڑیاں کھائی نی رجے، انہیں سوبھیں کنے کہہ ہوسی۔ (کہاوت)
277. جیں کیں کرنا ژا آئی کری کہنو کل کس ڈٹھی۔ (کہاوت)
278. جینسا دیس، وینسا بھیس۔ (کہاوت)
279. جینسی کرنی، وینسی پہرنی۔ (کہاوت)
280. جینسی نیت، وینسی مراد۔ (کہاوت)
281. جینیاں چت ناں چتیا، مویاں تہرئے تہرئے پٹیا۔ (کہاوت)
282. جیو گل بائی اندر چلی گشنی، پچھیں ٹہنڈر کٹن ہونا۔ (کہاوت)
283. جیو ہلائے نال کم چلناں۔ (کہاوت)
284. جئی کپاء جئی سوت، جئی مآ جیا پوت۔ (کہاوت)
285. چاول پھل خوائے نیں طہ رجنیں تواڑے موہاں سنیا۔ (کہاوت)
286. چپ چیتا پتر مندا، چیتے دیہی تہی، اندر برکنا داند مندا، کہوڑی لتے دہی۔ (کہاوت)
287. چڑیا کنڈے اپر سکھ ہونا۔ (کہاوت)
288. چڑھائی چنگی کہ اولوکائی، لعنت دوہیں کیاہ۔ (کہاوت)
289. چغل آیا؛ چپ کریاں، لمبڑ آیا؛ چھوایاں۔ (کہاوت)
290. چلنی ناں ناں گڈی۔ (کہاوت)
291. چم پیارا، یا کم پیارا۔ (کہاوت)
292. چمڑے نی زبان ای تلکی گشنی۔ (کہاوت)
293. چن چڑھسی تہ جگ دکھسی۔ (کہاوت)
294. چنگیا پترا لائی اے چاننی تہ مندیا پترا لائی اے گال۔ (کہاوت)
295. چہڑ چڑھیا، طہ بدل وی ہوسی۔ (کہاوت)
296. چہوٹے اپر خدا نی لعنت۔ (کہاوت)
297. چہوٹھ نیں، پیر نئیں ہونیں۔ (کہاوت)
298. چور چوری تھیں گچھے، ہیرا پھیری تھیں نیں گچھے۔ (کہاوت)
299. چوراں اپر مور، طہ موراں اپر ہور۔ (کہاوت)
300. چورے چوری کھڑکنی۔ (کہاوت)
301. چوری ناں گڑ مٹھا۔ (کہاوت)
302. چورے نی مآ انیارے بیجی رونی۔ (کہاوت)
303. چوریاں کولا پنڈ تاولی۔ (کہاوت)
304. چوریاں ناں مال تہ ڈانغیں نے گز۔ (کہاوت)
305. چوڑ گیاں نیاں چٹھیاں، اولے بھئی پڑھیاں۔ (کہاوت)
306. چولہا آخوری نیئں رجنا۔ (کہاوت)
307. چوہڑیاں نیاں آخیاں، ڈنگر نئے مرنیں۔ (کہاوت)
308. چوہے نی ہردلی نی گنڈ لبھی، اؤ پساری بنی بیٹھا۔ (کہاوت)
309. چیز اوئی جہڑی اپنے کول۔ (کہاوت)
310. چیز ہتھے چا چلی گچھے، فر قدر اشنی۔ (کہاوت)
311. چھپیاں موت ناں چھوڑنی۔ (کہاوت)
312. چھج طہ بولے، پرون کئہ بولے۔ (کہاوت)
313. چھڑا آیا، چھڑکار نیئں آیا۔ (کہاوت)
314. حبا ناں ڈوڈو وی چنگا ہونا۔ (کہاوت)
315. حق حق آ، ناحق، ناحق آ۔ (کہاوت)
316. حکم سوائیں پتر وی نا ہلناں۔ (کہاوت)
317. حوکت ناں برکت۔ (کہاوت)
318. حیا آلا حیا کرے، بے حیا آخے مہاڑے کولا ڈرنیں۔ (کہاوت)
319. حیلے ناں روزی، طہ پہانے نال موت۔ (کہاوت)
320. خاناں نیں خان سنگی۔ (کہاوت)
321. خدا سوٹی، ناں مارناں۔ (کہاوت)
322. خدا شکرخوریاں کی شکر دیناں۔ (کہاوت)
323. خدا کسے ناں موتھاژ ناں کرے۔ (کہاوت)
324. خدا مہربان، طہ جگ مہربان۔ (کہاوت)
325. خدا نی خدائی وچ کسے کی دخل نا۔ (کہاوت)
326. خشی غمی سانجھی۔ (کہاوت)
327. خصماں سوائیں اوژاڑ۔ (کہاوت)
328. خوجے ناں گواہ ، ڈڈو۔ (کہاوت)
329. دال سمارے کہیوہ ناں، بڑیا ناں مائو ناں۔ (کہاوت)
330. داں بیڑیاں نی سواری مینغی پینی۔ (کہاوت)
331. داں پیساں نی کٹوی گی، کتے نی ذات پچھانی غئی۔ (کہاوت)
332. داں کہراں ناں مزمان پہکا رہناں آ۔ (کہاوت)
333. دانے دانے ر مہر ہونی۔ (کہاوت)
334. دائی کولا ٹہڈھ نا چھپھنا۔ (کہاوت)
335. دتا اگیں اشناں آ۔ (کہاوت)
336. درد ہور، دارو ہور۔ (کہاوت)
337. دریا اگیں بن نئے بنن ہونیں۔ (کہاوت)
338. دریاہ چ رہناں طہ مگر مچھ نال بیر۔ (کہاوت)
339. دل بے ایمان تہ حجتیں ناں ٹہیر۔ (کہاوت)
340. دلے چ چاہ، لکھاں راہ۔ (کہاوت)
341. دلے نی گل، موئے دا اچھی گشنی۔ (کہاوت)
342. دمے ناں کیں وساہ نا۔ (کہاوت)
343. دندھ گے، سواد گا، اکھیں گیاں، دنیاں گی۔ (کہاوت)
344. دندیں چہڑیں نے ماس لبنے تہ کس کاری۔ (کہاوت)
345. دنیاں چار تہڑیاں ناں میلا۔ (کہاوت)
346. دھکھنی جائی اپر ژے ٹھوکر لگنی۔ (کہاوت)
347. دھیکھے سنے چ فرق ہوناں آ۔ (کہاوت)
348. دھیں اگے دیوے نئے بلنیں۔ (کہاوت)
349. دو پہلوان کہلن، ہیک ضرور ٹیہناں۔ (کہاوت)
350. دو ملاں، مرغی رہام۔ (کہاوت)
351. دوترمان ستیں پڑہیں بہری۔ (کہاوت)
352. دووے نے مونڈے اپر آکھوڑ پہننا سوخاوا۔ (کہاوت)
353. دووے نے ہتھے وچ دوگاہ پہارا دسناہ۔ (کہاوت)
354. دوئے ناں موں رتا دھیکھی، اپنا چنڈاں ماری ماری رتا نیا کرنیا۔ (کہاوت)
355. دوئیاں نیں محل دھیکھی، اپنی چہگی نئی ٹہانی چائی نی۔ (کہاوت)
356. دیغے چا ہکے چاول دھکھینیا۔ (کہاوت)
357. دین گنوایا، دنی نے، دنی ناں چلی ساتھ، سارے تھو گانوائی طہ ٹریا ایں خالی ہاتھ۔
358. دیوے ہیٹھ، انھیرا۔ (کہاوت)
359. ڈاہڈا مارناں وی آ، رون وی نا دینا۔ (کہاوت)
360. ڈاہڈے ناں، ہر کوئی یار۔ (کہاوت)
361. ڈاہڈیاں اگے ستیں بیئں سو۔ (کہاوت)
362. ڈبنے آلے کی، تیلے ناں سہارا۔ (کہاوت)
363. ڈٹھے کی، ان ڈٹھا ناں آخو۔ (کہاوت)
364. ڈنڈا پیر، ساریاں مرضاں ناں لاج۔ (کہاوت)
365. ڈنگر اپنی کھرلی نئے پہلنیں۔ (کہاوت)
366. ڈوم چڑھے ڈنگے، جیڑا کی دکھے اوہے منگے۔ (کہاوت)
367. ڈوم، کتی قوم؛ لایا پیاز، جمیا تھوم۔ (کہاوت)
368. ڈوہل رت، کھا پہت۔ (کہاوت)
369. ڈین وی ہیک کہر چھوڑی دینی۔ (کہاوت)
370. ذات اپنی ژیے چنگی ہونی۔ (کہاوت)
371. راجے ناں پہرن، دھوبے ناں ہٹھیرن۔ (کہاوت)
372. راہ پیا یا واہ پیا پتہ چلنا۔ (کہاوت)
373. رٹی سمی گچھے، کہرے آلیاں نیں قصور، لین سمی گچھے مزمانے نیں قصور۔ (کہاوت)
374. رجے نے کہرے ناں کتا پہکھا۔ (کہاوت)
375. رسی سڑی غی، بل نا گا۔ (کہاوت)
376. رکھی سکھی کھائی طہ ٹھڈا پانی پی، ناں دیکھ پرائیاں چپڑیاں طہ نیں ترسا اپنا جی۔
377. رناں کی رن توارے، واوی چہخاں مارے۔ (کہاوت)
378. رنڈیاں وی رونیاں، سواگنیں وی رونیاں۔ (کہاوت)
379. روناں کیا ایں، شکل ژیے اژے جئی۔ (کہاوت)
380. رویا ہویئے تہ کانیا آکھی وچا وی آتھر اینی اوٹھی۔ (کہاوت)
381. روئے سوائیں ما دھدھ وی نئی دینی۔ (کہاوت)
382. ریڑیں چیڑیں کنی پانی دینا۔ (کہاوت)
383. رکھی چیز کم اشنی۔ (کہاوت)
384. رہامے ناں مال وی رہامے چ ژیے گشناں۔ (کہاوت)
385. روز روز نیں مرے کولا، ہیکا وار مرناں چنگا۔ (کہاوت)
386. راتیں گھس دیو، کہر اجھڑی گشنان۔ (کہاوت)
387. رب نیاں، رب جانے۔ (کہاوت)
388. رب کول دیر ای، انھیر نا۔ (کہاوت)
389. رنگ مشکی؛ ناں کھنگ، ناں خشکی۔ (کہاوت)
390. روزے خور، خدا ناں چور۔ (کہاوت)
391. رونی مویاں کی، سنانی یاراں کی۔ (کہاوت)
392. رجے کی دھیکھی ناں سکناں طہ پہکے کی دئی ناں سکناں۔ (کہاوت)
393. زتیم روئے نے ہلھے ہونے۔ (کہاوت)
394. زہر کی زہر ژے مارنی۔ (کہاوت)
395. زیدے لوڑنیاں لوڑنیاں، تھوڑی تھی ویں گشناں پیناں۔ (کہاوت)
396. ژاں کسے نے ہوئی گچھو، ژاں کسے کی اپنائی کہنو۔ (کہاوت)
397. ساٹھا تے پاٹھا۔ (کہاوت)
398. سادوآں کی، کئہ سوادے نال۔ (کہاوت)
399. سارے چٹ کپڑئیے، پلے مانس نئے ہونیں۔ (کہاوت)
400. سارے دن ہکے جئے نئے رہنیں۔ (کہاوت)
401. ساریاں گلاں حیاتی نال۔ (کہاوت)
402. سانجے ببے، کن دبے۔ (کہاوت)
403. سانون پہادھرے نی چہڑی ناں کئہ وساہ۔ (کہاوت)
404. سانے ناں چھرا، ٹہڈے چ ناویں ہوناں۔ (کہاوت)
405. ساہ ناں کئہ وساہ۔ (کہاوت)
406. سپاں اگیں دیوے نئے بلنے۔ (کہاوت)
407. سپاں نے پتر سپ ژے ہونیں۔ (کہاوت)
408. سپے ڈھنگناں چھوڑیا، سوکناں نئیں چھوڑیا۔ (کہاوت)
409. سپے نا کھادا ناں سوتریا کولا وی ڈرنا۔ (کہاوت)
410. سپے ناں کھادا بچی گشناں، پر نظری ناں کھادا ناں بچناں۔ (کہاوت)
411. ست چوہے کھائی، بلی حجے رٹری۔ (کہاوت)
412. ستا طہ مویا ہیک بروور۔ (کہاوت)
413. ستے شین کی ناں جاغاؤ۔ (کہاوت)
414. سجن اوئے، جہڑا اوخے ویلے کم اچھے۔ (کہاوت)
415. سجن اوئے، جہڑا موئیں ر سچ آخے۔ (کہاوت)
416. سجناں سوائیں کئہ عیزاں۔ (کہاوت)
417. سجناں نیں کتے وی پیارے ہونیں۔ (کہاوت)
418. سچ ساریاں کی پہڑا لگناں۔ (کہاوت)
419. سچ کوڑا ہونا آ۔ (کہاوت)
420. سچی گلے ر پہائی والی ترٹنی، طہ پئی ترٹے۔ (کہاوت)
421. سخے ناں ہر کوئی یار۔ (کہاوت)
422. سخیے کولا شوم چنگا، جہڑا ترت دے جواو۔ (کہاوت)
423. سدا کوئی نا جیناں۔ (کہاوت)
424. سدھیاں انگلیاں نال کہئے نا نکلناں۔ (کہاوت)
425. سر آئی قضا، نئی ٹلنی۔ (کہاوت)
426. سر بڑے سرداراں نے، پیر بڑے گنواریں نے۔ (کہاوت)
427. سر پینی فر پتا چلناں، کتنے وئیاں ناں سو آ۔ (کہاوت)
428. سر سلامت، جتیاں بہوں۔ (کہاوت)
429. سراں نال سرداریاں۔ (کہاوت)
430. سر ہویں تہ ٹوپیئں نے کہاٹے۔ (کہاوت)
431. سرے ناں پہار، پیراں ناں اشناں۔ (کہاوت)
432. سس ناں ننان، بنی پھرے پردھان۔ (کہاوت)
433. سستا روئے وار وار، مینغا روئے ہکے وار۔ (کہاوت)
434. سکھن، سودا طہ کچھی، سوچی سمجھی طہ کریں تاں ژے ہار نہ اچھی۔ (کہاوت)
435. سکی نال، سنی وی بلنی/ سڑی گشنی۔ (کہاوت)
436. سمندرے نی ما تریہی ہوئی۔ (کہاوت)
437. سنڈیاں ناں پیڑھ، جنڈاں نی خراوی۔ (کہاوت)
438. سنگیاں نال، سنگت۔ (کہاوت)
439. سنگئے نی سنگت کی دھیکھو، اسنے عیباں کی ناں دھیکھو۔ (کہاوت)
440. سنو ساریاں نی، کرو اپنی مرضی۔ (کہاوت)
441. سو تہڑے چور نیں، ہک تہڑا شاد ناں۔ (کہاوت)
442. سو داندے والا وی ہک داندے والے کول گینا۔ (کہاوت)
443. سو سنیارے نی، ہیک لہارے نی۔ (کہاوت)
444. سوٹے ماریاں پانی نیئں بچھڑنا۔ (کہاوت)
445. سوچیں پیا، بند اگا۔ (کہاوت)
446. سورے ٹاکو کہہ کرسی۔ (کہاوت)
447. سورے نے یار باہرے۔ (کہاوت)
448. سویلے نیں پہلیا سناں کہر مڑی اچھے، اس کی پہلیاوا نئے آخنے۔ (کہاوت)
449. سوئے کھوتی، کلے کمہار۔ (کہاوت)
450. سیانا کاغ، گوئیں اپر بہنا۔ (کہاوت)
451. سیرے کی سوا سیر وی ملی گشناں۔ (کہاوت)
452. سیغا لبئی کرو، جئی او، تہ جئی او۔ (کہاوت)
453. سیک اتھی ژیے لگناں آ، جتھیں اگ لگی وے۔ (کہاوت)
454. سیو سنگی چھوڑنا۔ (کہاوت)
455. شریک مٹی ناں وی پہیڑا۔ (کہاوت)
456. شریکاں چ بسناں سان نا۔ (کہاوت)
457. شکارے نے ٹیم کتیا باہرے نی حاجت۔ (کہاوت)
458. شیراں ناں ماریا، گدڑ کھانیں۔ (کہاوت)
459. شیراں نیں مون، تہوتے ہونیں۔ (کہاوت)
460. شیرے ناں منہ کنی تہرتا۔ (کہاوت)
461. شیں جنگلے ناں بادشاہ۔ (کہاوت)
462. صبر ناں پھل مٹھا ہوناں۔ (کہاوت)
463. صبر ناں صلہ اللہ کول آ۔ (کہاوت)
464. صرفہ کری ستی، آٹا کھا گئی کتی۔ (کہاوت)
465. ظالم تائیں رسی ٹہلی۔ (کہاوت)
466. عادت، دمے نال۔ (کہاوت)
467. عزت کرسو، عزت کراسو۔ (کہاوت)
468. عزت، پینسے نال۔ (کہاوت)
469. عقل بڑی کیں منج۔ (کہاوت)
470. عیزاں طہ شبراتاں آئیاں، ملاں ٹہڈھ ودھائے۔ (کہاوت)
471. غریباں روزے رکھے، تہڑے بڑے ہوئی غے۔ (کہاوت)
472. غیب نیاں خدا ژے جانے۔ (کہاوت)
473. فاتحہ ناں درود، مری غے مردود۔ (کہاوت)
474. فرزیں؛ ناں، سارا تہاڑا؛ ناں۔ (کہاوت)
475. قدر پھلاں ناں، بلبل جاننی۔ (کہاوت)
476. قسمت نیاں ولیا؛ چاہڑی اے دال، بنی گیا دلیا۔ (کہاوت)
477. قسمتی ناں لخیاوا کن مٹائی سکناں۔ (کہاوت)
478. قطرہ قطرہ ملی دریاہ بنناں۔ (کہاوت)
479. قورے چ سارے ہکے جئے ہونیں۔ (کہاوت)
480. قول قرار تھیں پھرناں، جواناں ناں کم نا۔ (کہاوت)
481. کاٹھے نی کٹوی، روز روز نئی چڑھنی۔ (کہاوت)
482. کاسوی در بند کیتیا ہوئیں تہ روڑی مرے۔ (کہاوت)
483. کاغ ہنساں نی بولی بولنیاں اپنی وی پہلی غا۔ (کہاوت)
484. کاغیں نی بولی کاغ سمجھیں۔ (کہاوت)
485. کال گزری گشناں، کالغ رئی گشنی۔ (کہاوت)
486. کبھے کی لت لگی، اس ناں کبھ لکوی غا۔ (کہاوت)
487. کتا کتے ناں، بیری ہونا۔ (کہاوت)
488. کتا مالکے پچھاننا۔ (کہاوت)
489. کتا وی دمڑی نال جاہ صاف کری بیناں۔ (کہاوت)
490. کتا وے، پہوکے ناں۔ (کہاوت)
491. کتے ای کیہہ نا بچنا۔ (کہاوت)
492. کتے پہوکنے رہنیں۔ (کہاوت)
493. کتے کی پیار کرو، موئیں واخ چھٹ کرنا۔ (کہاوت)
494. کتے نی دمڑی کی باراں سال نالی چ بائی رکھو، کڈسو ڈنگی نی ڈنگی۔ (کہاوت)
495. کتیا تواڑا موں، ژاں تواڑے خصماں ناں موں۔ (کہاوت)
496. کٹویا چٹ نے بیاہ، ر بدل ہونا۔ (کہاوت)
497. کٹیا ناں لیٹھانا تہ نہوں نا کھادا کدھر گیسی۔ (کہاوت)
498. کچے کہڑے نئے ترنیں۔ (کہاوت)
499. کدے تھکے نال وی، منڈے پکے۔ (کہاوت)
500. کدے قسمتی نیں لخیے مٹنیں؟۔ (کہاوت)
501. کدے گنگے گیاں، ہڈیاں وی مڑیاں؟۔ (کہاوت)
502. کڈھے تہو کی، سنائے نوآں کی۔ (کہاوت)
503. کر مزوری طہ کھا چوری۔ (کہاوت)
504. کرسن، پہرسن۔ (کہاوت)
505. کرنی مزوری، نخرہ کئہ۔ (کہاوت)
506. کرنی نیکی طہ کئہ پچھناں۔ (کہاوت)
507. کرو طہ سو راہ، ناں کرو طہ ہیک وی ناں۔ (کہاوت)
508. کرے کوئی، طہ پہرے کوئی۔ (کہاوت)
509. کڑکیا بوٹیا ناں شوربہ وی کڑکا ہونا۔ (کہاوت)
510. کڑیاں نی ذات بے وفا ہونی۔ (کہاوت)
511. کڑیاں نی مت کھری چ ہونی۔ (کہاوت)
512. کڑیا نیئں چج، کرنی اج پج۔ (کہاوت)
513. کسے آخے، کھوئے چ کنڑ چھال مارنا۔ (کہاوت)
514. کسے ناں ہتھ چلناں، کسے نی زبان چلنی۔ (کہاوت)
515. کسے نی گلے ایسو، طہ پچھتاسو۔ (کہاوت)
516. کسے نیاں شالا ہتھ نہ بہایئے تہ کوئی تسیں نے پہورے کیاں ہتھ بہائے۔ (کہاوت)
517. ککڑ بانغ ناں دے، طہ سویل نئی ہوسی۔ (کہاوت)
518. ککڑی بانغ دے طہ کوئی چھوڑوس۔ (کہاوت)
519. ککڑی حرامزادی نہ وے تہ دووہے نے کہر انٹا دینی اے نیئں۔ (کہاوت)
520. کل کس ڈھٹھی۔ (کہاوت)
521. کل نی گل کل نال ڈھٹھی غیسی۔ (کہاوت)
522. کلالاں نیں کہر پہچے پہانڈے۔ (کہاوت)
523. کم اوئے جہڑا آپے کرو۔ (کہاوت)
524. کمائے کوئی، کھائے کوئی۔ (کہاوت)
525. کن پرائی اگی چ پیناں۔ (کہاوت)
526. کن تہوخا کھائی سکنیں، پر اکھیں نیاں تہوخا کھانیاں۔ (کہاوت)
527. کندھاں نیں وی کن ہونیں۔ (کہاوت)
528. کنڈا نکا، منہ تریکھا۔ (کہاوت)
529. کنڈے، پچھو ہکے ہونا۔ (کہاوت)
530. کنڈھی پچھیں لوک بادشاہ کی وی گالیں دینے۔ (کہاوت)
531. کنے اپر کند گینی۔ (کہاوت)
532. کہٹی ناں کیں داروں نا۔ (کہاوت)
533. کہٹھے پہانڈے وی کھڑکی گشنیں۔ (کہاوت)
534. کہر آ پہکے ٹرو، طہ اگیں وی پہکے ژیے رہسو۔ (کہاوت)
535. کہر آیا، مو جویا۔ (کہاوت)
536. کہر، کہر آلی نال۔ (کہاوت)
537. کہرے کول پیلا وی شیر ہونا۔ (کہاوت)
538. کہرے ناں پیر ہولا/ لوکا ہونا۔ (کہاوت)
539. کہرے ناں مال طہ دلے نی گہل، کسے کی وی نئی دسنی چائی نی۔ (کہاوت)
540. کہرے نی ادھی، باءر نی پوری کولا چنگی۔ (کہاوت)
541. کہرے نی ککڑ/ ککڑی، دال بروور۔ (کہاوت)
542. کہلا بندہ؛ ناں ہسناں چنگا، ناں روناں چنگا۔ (کہاوت)
543. کہلا کہر، جناں پہتاں ناں ڈیرا۔ (کہاوت)
544. کہنناں پہلے، ناں دیناں پہلے۔ (کہاوت)
545. کہوڑے دکھی کھوڈاں اینا اوٹھی۔ (کہاوت)
546. کوڑ طہ سچ، دسی رہنا۔ (کہاوت)
547. کوڑ نیں ہتھ پیر نئے ہونیں۔ (کہاوت)
548. کوڑے ناں، موں کالا۔ (کہاوت)
549. کوڑھے نیں پترے کی کوڑھ ناں وے، دھدھر ہوسی۔ (کہاوت)
550. کوئی مرے یا جیئے ستھرا کہول پتاسے پیئے۔ (کہاوت)
551. کوئی ہتھ دے، اس نی بانھ نیژا کپنیا۔ (کہاوت)
552. کوئیلیاں نی دلالی، ہتھ موں کالا۔ (کہاوت)
553. کئہ پدی طہ کئہ پدی ناں شوروا۔ (کہاوت)
554. کھادا پیتا کوئی نا دھیکھیناں، لایا ہر کوئی دھیکھیناں۔ (کہاوت)
555. کھادے پیتے چ، کئہ شرم۔ (کہاوت)
556. کھانا من پسند، باناں جگ پسند۔ (کہاوت)
557. کھاناں سان، پچانا مشکل ہونا۔ (کہاوت)
558. کھاناں موں، شرمانی اکھ۔ (کہاوت)
559. کھاؤ دال، جہڑی نبھے نال۔ (کہاوت)
560. کھائی بے گانے ماں طہ کرنا ایں ناں۔ (کہاوت)
561. کھٹیاں نے کھولے؛ ہیتھ ترپڑ، اپر پولے۔ (کہاوت)
562. کھرڈیا لے نیئں کھرڈیا نے پچھولے دکھنا پینا۔ (کہاوت)
563. کھسریاں نیں کہر نکے نئے جمنیں۔ (کہاوت)
564. کھسم واجا ساون وچ تہریاں۔ (کہاوت)
565. کھوپڑیں نے کہر گچھا؛ کھائی وی اچھا، ہنی وی اچھا۔ (کہاوت)
566. کھوتاں نیں کھوت طہ پہوتاں نیں پہوت۔ (کہاوت)
567. کھوتی شہرا ہوئی آئی، ہن کھوتیاں چ نئی رلنی۔ (کہاوت)
568. کھوتے کی گلقند نئی پچنی۔ (کہاوت)
569. کھوئے نی مٹی کھوئے چ۔ (کہاوت)
570. گجر نا کہیہ عذر۔ (کہاوت)
571. گشناں اپنے بس، اشناں پرائے بس۔ (کہاوت)
572. گل پیا ٹھول، بجاناں پیناں۔ (کہاوت)
573. گل موئیں چا نکلی، بغانی ہوئی۔ (کہاوت)
574. گلیار راٹھ ناں، سندھوار کاٹھ ناں۔ (کہاوت)
575. گنجی نہاسی کہہ تہ چنوڑسی کہہ۔ (کہاوت)
576. گنگے نیں اشارے، گنگے نی ماء جاننی۔ (کہاوت)
577. گوئیٹیاں نال، سائے نئے مرنیں۔ (کہاوت)
578. گیئی عزت، ہتھ نئی اشنی۔ (کہاوت)
579. گھلی کس نی، طہ گہنڑاں کس ناں۔ (کہاوت)
580. لاتیے لات نی گینی۔ (کہاوت)
581. لچا، اچا۔ (کہاوت)
582. لدے داندے ناں کھر اینا تہ پتہ چلنا۔ (کہاوت)
583. لسے جنے نی رن، ہر کسے نی پہاوی۔ (کہاوت)
584. لعل گودھڑیاں وچ وی دسی رہنے۔ (کہاوت)
585. لکھے نی وی چوری، ککھے نی وی چوری۔ (کہاوت)
586. لگھی روزی نئی چھوڑنی چائی نی۔ (کہاوت)
587. لمے نی مت، گٹیاں چ ہونی۔ (کہاوت)
588. لہار نی سنی کدے اگی چ طہ کدے پانئے چ۔ (کہاوت)
589. لوائی سٹی/ شوری لوئی طہ کئہ کرسی کوئی۔ (کہاوت)
590. لوڑو طہ خدا بھی لبھی رہناں۔ (کہاوت)
591. لوکاں ناں کن ڑ پوڑے۔ (کہاوت)
592. لوگا موہڑا تہ موچی مقدم۔ (کہاوت)
593. لولھے لنگڑے نی ہیک ریغ ودھ ہونی۔ (کہاوت)
594. لوہا، لہاراں نیں گھل۔ (کہاوت)
595. لوہار جانے طہ آنغار جانے۔ (کہاوت)
596. لوہے کی لوہژے کپناں۔ (کہاوت)
597. لیخا اوئے جہڑا جیوے وچ۔ (کہاوت)
598. لیخا ما نو طہ تیہو ناں وی ہونا۔ (کہاوت)
599. ماخیں کھان سوخا پر اوخا ڈنگ مخیاری ناں۔ (کہاوت)
600. مارنے والے کولا، بچانے آلا ڈاہڈھا۔ (کہاوت)
601. مارے کولا دھبکانا چنگا۔ (کہاوت)
602. ماری کولا ہر کوئی ڈرناں۔ (کہاوت)
603. مال مالکان، کھیئہ دلالاں۔ (کہاوت)
604. ماء راضی طہ رب راضی۔ (کہاوت)
605. ماء ماتریئی، پے قصائی۔ (کہاوت)
606. ماؤ نال نانکے، پیئو نال دادھکے۔ (کہاوت)
607. ماؤ نے ٹہڈھے چا کوئی نا سکھی اشناں۔ (کہاوت)
608. مآ اگے تہی کہہ ننھیال پچھانسی۔ (کہاوت)
609. مآ مارسی تہ مارنے نہ دیسی۔ (کہاوت)
610. مآئو پیو نی کھٹ، بیغانیا نی لت۔ (کہاوت)
611. مآئو کولا تہی سیانی، ردھے پکے بہائے پانی۔ (کہاوت)
612. مآئیا کولا دائیا پیارا۔ (کہاوت)
613. مٹی ککڑی، نکا انٹا دینی۔ (کہاوت)
614. مٹی ناں پہانڈا کھنکھنائی دھکھنیا۔ (کہاوت)
615. مرن جین، اللہ نیں ہتھ آ۔ (کہاوت)
616. مرنا، حق ناں راہ۔ (کہاوت)
617. مرناں جیناں، بندے نال آ۔ (کہاوت)
618. مرنے مرنے جٹ، پھیں منجیں چھ ست۔ (کہاوت)
619. مرنیاں نال، کوئی نا مرنا۔ (کہاوت)
620. مریاں نی بعد وچ قدر اشنی۔ (کہاوت)
621. مڑدا نیں بولے، جے بولے کھپن پھاڑی طہ بولے۔ (کہاوت)
622. مسلو کہسلو ات کریے، جت کوئی منے، ات نہ کریے، جت کوئی بوتھا پھنے۔ (کہاوت)
623. مطلووا پورا، کھوتی سٹیا پہورا۔ (کہاوت)
624. مطلووے تے لوک گدھے کی وی باوا آخنے۔ (کہاوت)
625. مفت نی شراو قاضی اؤر وی نئے چھڑنے۔ (کہاوت)
626. مکے گیاں کھوتا، حاجی نا بنی گشناں۔ (کہاوت)
627. ملا نی دوڑ، مسیتی توڑی۔ (کہاوت)
628. مندرے نی چچری کوئی نیئں بجنا۔ (کہاوت)
629. منگی کھادے کولا، پہکھ چنگی۔ (کہاوت)
630. منگی موت وی نئی اشنی۔ (کہاوت)
631. منی؛ مرسی ٹبرے ہنی۔ (کہاوت)
632. مہندو ناں کم برف سٹنا؛ یا کوٹھے سٹے، یا ڈوغے سٹے۔ (کہاوت)
633. مہیڑا مہیڑے ٹھیلے، دوہے کھوے وچ۔ (کہاوت)
634. موت طہ گاہک ناں، کوئی ویلا نا۔ (کہاوت)
635. موترے چ بٹا مارسو، چھٹکاں اپنے اپر پیسن۔ (کہاوت)
636. موترے ناں کہہ نگیار۔ (کہاوت)
637. موتو کہر دھیکھی کہندا۔ (کہاوت)
638. موچیاں نے لارے ٹبر بہکھے مارے۔ (کہاوت)
639. مولے کولا بیاج پیارا۔ (کہاوت)
640. موں پہڑا وے، گل چنگی کرنی چاہی نی وی۔ (کہاوت)
641. موئیاں نال کئہ گلہ۔ (کہاوت)
642. موئین ر ہتھ نا رکھیا گشناں۔ (کہاوت)
643. میاں بیوی راضی، کئہ کرسی قاضی۔ (کہاوت)
644. میسنی کھائے، موں ناں ہلائے۔ (کہاوت)
645. مینج نی پہن مینج اے ہوسی۔ (کہاوت)
646. ناں لیقیں نے بستے ہمیشہ پہارے۔ (کہاوت)
647. ناں نیا خاغا پتلی لسی۔ (کہاوت)
648. ناں ہیک دیو، ناں سات سنو۔ (کہاوت)
649. نانی کھسم کرے، دوترے کہہ چٹی۔ (کہاوت)
650. ناوی لیلی لوغا لغنی۔ (کہاوت)
651. نائیاں نی جنجے چ سارے راج۔ (کہاوت)
652. نائیں بجیا، گرائیں بجیا۔ (کہاوت)
653. نت نت نے ساڑے کولا مرنا چنگا۔ (کہاوت)
654. نحوست پچھی طہ نئی اشنی۔ (کہاوت)
655. نسئے پچھے، کن نسے۔ (کہاوت)
656. نظر پتھر پھاڑی شوڑنی۔ (کہاوت)
657. نکا گل کرے، سیاناں قیاس کرے۔ (کہاوت)
658. نکمیاں کولا شطان وی ڈرناں/ پناہ منگناں۔ (کہاوت)
659. نکیاں نال، نکا ہوئی رہنا۔ (کہاوت)
660. نہ اوخیاں چڑھو، ناں منتاں منو۔ (کہاوت)
661. نہوں ننگی تہ سورے پھٹی نیاں۔ (کہاوت)
662. نوکری کرنی، طہ نخرا کئہ۔ (کہاوت)
663. نیتاں نیاں مراداں۔ (کہاوت)
664. نیک تیہاں پیناں، جس کہریچ ڈولی بہئی گشنیاں، اتھاں تھیں انھاں ناں جناژہ نکلناں۔ (کہاوت)
665. نیم حکیم خطرہ جان، نیم ملاں خطرہ ایمان۔ (کہاوت)
666. نیندر پھانسی نیں پھندے اپر وی اچھی رہنی۔ (کہاوت)
667. وقت سارا کیں کرائی شوڑاناں۔ (کہاوت)
668. وہم ناں لاج، لقمان حکیم کول وی نا۔ (کہاوت)
669. ویلا وقت پچھانیئے، جے کوئی مارے لت ہسی کری جانیئے۔ (کہاوت)
670. ویلے ر جہڑا کم نا آیا، اس نال کئہ یاری۔ (کہاوت)
671. ویلے نیاں نمازاں، کویلے نیاں ٹکراں۔ (کہاوت)
672. ویلے ویلے نی گل ای۔ (کہاوت)
673. ہار جت، اللہ نے ہتھ۔ (کہاوت)
674. ہتھا اودھار دئی، دشمنی مل کہنناں۔ (کہاوت)
675. ہتھا نکلیا پخیرو، فر نا مڑنا۔ (کہاوت)
676. ہتھاں ناں دتا، کم اشناں/ اچھی غا۔ (کہاوت)
677. ہتھے کی ہتھ سیانناں۔ (کہاوت)
678. ہتھے نی تلی چ کھائی وے، پینسا اشناں۔ (کہاوت)
679. ہتھیار اوئے، جہڑا اویلے سر کم اچھے۔ (کہاوت)
680. ہتھیں ناں کیتی نیاں دندیں کنے پٹنیاں پینیاں۔ (کہاوت)
681. ہر چیز اپنی جائی چ چنگی لگنی۔ (کہاوت)
682. ہر کمے ناں اپناں ٹیم ہونا۔ (کہاوت)
683. ہر کوئی اپنی اپنی قووریچ گیسی۔ (کہاوت)
684. ہر کوئی اپنے حال وچ مست آ۔ (کہاوت)
685. ہر کوئی اپنی رادھی کپنا۔ (کہاوت)
686. ہر کوئی اپنے کہر وچ سیاناں ہونا۔ (کہاوت)
687. ہر کوئی پیار ناں پہکھا ہونا آ۔ (کہاوت)
688. ہر کوئی چڑھی ناں یار ہونا۔ (کہاوت)
689. ہر کوئی، اپنی جانی ر ٹکنا آ۔ (کہاوت)
690. ہر ویلے نی من ڑ من ڑ، چنگی نئی ہونی۔ (کہاوت)
691. ہک کلا، دو یاراں۔ (کہاوت)
692. ہک مچھی پورا تلاء گندا کری شوڑنی۔ (کہاوت)
693. ہک ناں، سو سکھ۔ (کہاوت)
694. ہیل ٹھلے، اگے ای سٹ، پھال ٹھلے، اگے ای سٹ۔ (کہاوت)
695. ہمسائے، پیئو جائے۔ (کہاوت)
696. ہنے نی گل، ہنے نال۔ (کہاوت)
697. ہولی لالاں، دینی چھلاں۔ (کہاوت)
698. ہونیں نی، ساری گل ای۔ (کہاوت)
699. ہیک تھکے چ، دو تلواراں نئیاں سمائی سکنیاں۔ (کہاوت)
700. ہیک چپ، طہ سو سخ۔ (کہاوت)
701. ہیک در بند، سو کھلے۔ (کہاوت)
702. ہیلی نہ ہیلا؛ چڑھ ستی سویلا۔ (کہاوت)
703. یاراں نال بہاراں۔ (کہاوت)
704. یاری لانی سوخلی، توڑ نبھانی اوخی۔ (کہاوت)
***