بيداد
مظلوم جو خسخانو برباد نظر آيو
آ دامُ اڏيل هر هِڪَ آفيس ۾ رشوت جو
ننڍو ۽ وڏو افسر صياد نظر آيو
مشغول رهيا عالم تحرير فتاوا ۾
هر روز نئون تن جو ارشاد نظر آيو
جنهن کي ٿا چون مرشد ۽ رهنما رهبر
اخلاق بگاڙڻ جو بنياد نظر آيو
پاڪ جو وطن آ پر ڏسجي ته پليتي ٿِي
اسلام جي پردي ۾ الحاد نظر آيو
سرمايه پرستن جي هاريءَ تي حڪومت آ
معمار وطن ڇو اڄ ناشاد نظر آيو
ممتاز فنا ٿيندي آخر هي زرپرستي
مزدور جو مستقبل آباد نظر آيو
***