للڪار ٿي
اٿ مجاهد مرد تون نعرو هڻي نروار ٿِي
طاقت طاغوت لئه تلوار جي جهنڪار ٿي
اي مجاهد مرد تون نعرو هڻي للڪار ٿِي
بوسئِه منصور آهي ثبت رسن و دار تي،
جيڪڏهن منصور نه ٿو ٿئين ته، رسن ودار ٿي
ڇو ٿئين آوارو ڪوئه بتان ٿو روز و شب،
ذوقِ نسيان ۾ خدارا ڪين اهڙو خوار ٿي
نفرت و عناد آملان جو مذهب يار من،
اهڙي مذهب کان ڀڄي وڃ بانورا بيزار ٿي
ڪونه آهي ماني و بهزاد جو اڄ قدر دان
تون به چغتائي جي فنِ تجريد جو شهڪار ٿي
حسن جي بابت بي وقعتي زبان حال سان
ڪن ڏئي ٻڌ ڇا چوي خود مصر جِي بازار ٿي
حرفِ حق جي واسطي سقراط پنهنجي دؤر ۾
زهر جو پيالو ڪري ويو نوش جان لاچار ٿي،
قيمتِ اشعار پرکي، جز اهلِ نظر،
گوهرن کان ڀي گران ممتاز جا اشعار ٿي
***