اي فاضل شاهه جيلاني
سندءِ دربار لاثاني اي فاضل شاه جيلاني
نه تعلميات تنهنجي کي ٿا سمجهن بدعتي ڀٽڪيل،
طريقي ڪار قرآني اي فاضل شاه جيلاني
بتن وانگر قبر تنهنجي ٿا پوڄن حيف ڪلمي گو
اسان جي ڏس مسلماني اي فاضل شاه جيلاني
ڪڍائڻ ٿيو اچن جنات پنهنجي جسم مان ڪنواريون
ٿي جهومي ساز تي جواني اي فاضل شاه جيلاني
چٽائن خاد مرقد جي چرين کي، ڇو ته سياڻا ٿين
صريحا آهه ناداني اي فاضل شاه جيلاني
تجارت قبر جي تنهنجا مجاور ڪن ٿا گويا
عقائد جي ٿي ارزاني اي فاضل شاه جيلاني،
نه اٿندا صور اسرافيل کان اڳ ۾ قبر وارا
اهو آ امر رَباني اي فاضل شاه جيلاني،
رهائي داشته پنهنجي کي ٿو درگاهه عاليءَ تي
ڪري ٿو ڪار شيطاني اي فاصل شاه جيلاني،
ڪڏهن سوچيو اٿئي ”ممتاز“ وئي وسري اسان کان ڇو؟
جهانداري جهان باني اي فاضل شاه جيلاني
***