ناراض روحي
چوين جيڪر تو خود ئي الحفيظ والا مان روحي
تمنا ترڪ ڪر حسب توقع حڪم هو تنهنجو
مگر مان ” اجنبي“ ڪئين روح پنهنجي کان ٿيان روحي
اُنهيءَ مهمان بدطالعيءَ جو مان ڪر، جيڪو
مزاجِ ميزبان تي ٿي پيو بارِ گران روحي
جسارت ڪيئن ڪريان مان بيوفا توکي چوڻ جي پر
تون ئي چئه جان من، آخر ته توکي ڇا چوان روحي
اگر تون پيار کي بازار جي شئه ڪونه سمجهين هان،
ڪريان جيڪر ها ڇو انديشئِه سودو زيان روحي
زمين ۽ آسمان جي دشمنين جي ڪين هئي پرواه
اگر جي تون نه ٿين هان هن طرح نامهربان روحي
قسم مونکي آ مٺڙي، تنهنجي دلڪش مسڪراهٽ جو،
مان ڏاڍو بليغ پيتم جام اڄ تنهنجي هٿان روحي،
ڀلا ڀيليءَ گهڙي جو تو بنايو ممتاز ڇو ترهو
هينئر منجهدار ۾ مر تون ٿئي ڀل شادمان روحي
***