شاعري

ڳولا

سنڌ سلامت ڪتاب گهر پاران منور سلطانہ جي شاعري ۽ ڪالمن جو مجموعو ”ڳولا“ اوھان اڳيان آڻي رھيا آھيو.

منور سلطانہ اڄ کان چار ڏهاڪا اڳ بہ مقبول ليکڪ رهي آهي، جنھن دؤر ۾ عورت جو گهر جي دروازي  کان ٻاهر نڪرڻ عيب هو، تعليمي شعور تہ پنھنجي جاءِ تي پر عورت کي بنيادي حق جي بہ ڄاڻ نہ هئي، اُن وقت منور سلطانہ جھڙين ليکڪن عورتن کي پنھنجي حقن جي تعليم ٿي ڏني. 


Title Cover of book ڳولا

مان

پاڻ نه اميرن ۾،
پاڻ نه غريبن ۾،
پاڻ رهياسون فقيرن ۾،

پاڻ نه ڪوڙ ۾،
پاڻ نه ڌوڙ ۾،
پاڻ رهياسون پور ۾،

پاڻ خيابان ۾،
پاڻ بيابان ۾،
پاڻ رهياسون ميدان ۾،

پاڻ نه اَهلن ۾،
پاڻ نه جاهلن ۾،
پاڻ رهياسون ڪالهن ۾،

پاڻ نه اوج ۾،
پاڻ نه موج ۾،
پاڻ رهياسون کوج ۾،

پاڻ نه سَکرن ۾،
پاڻ نه وَکرن ۾،
پاڻ رهياسون اکرن ۾،

پاڻ نه جهَٽ ۾،
پاڻ نه پَٽ ۾،
پاڻ رهياسون سَٽ ۾،

پاڻ نه حَقيرن ۾،
پاڻ نه ڪَسيرن ۾،
پاڻ رهياسون اسيرن ۾.