شاعري

ڳولا

سنڌ سلامت ڪتاب گهر پاران منور سلطانہ جي شاعري ۽ ڪالمن جو مجموعو ”ڳولا“ اوھان اڳيان آڻي رھيا آھيو.

منور سلطانہ اڄ کان چار ڏهاڪا اڳ بہ مقبول ليکڪ رهي آهي، جنھن دؤر ۾ عورت جو گهر جي دروازي  کان ٻاهر نڪرڻ عيب هو، تعليمي شعور تہ پنھنجي جاءِ تي پر عورت کي بنيادي حق جي بہ ڄاڻ نہ هئي، اُن وقت منور سلطانہ جھڙين ليکڪن عورتن کي پنھنجي حقن جي تعليم ٿي ڏني. 


Title Cover of book ڳولا

ڳولا

مان زنجيرون کُڙڪائي،
وقت جي قيد کي ڀڄَائي،
ماڻهن کي بيهي سڏيم،
سڀني سامهون اچي بيٺم،
انهيءَ مهل انهيءَ شام،
ماڻهن جا مڙيا اَچي هشام،
پوءِ مون اٿي اُهو چيو،
مونکي هاڻي سنسار ڏيو،
نه ته مونکي سنگسار ڪريو،
مان جواڃان پابند سلاسل،
رهيس جو ايترو مسلسل،
اڄ مان توهان آڏو آهيان،
مان ڪو پويان ناهيان،
هاڻ جو ايترو بند رهي،
مان هر زيادتي سهي،
ٿي پيو آهيان ڄڻ مَچُ،
مان سَچ آهيان سَچ،
مونکي هاڻي ته سنسار ڏيو،
نه ته سنگسار ڪريو،
ڪي انسان ته بيهي کليا،
ڪي عقل پاڻ ۾ به سليا،
فيصلو آخر انهن به ڪيو،
ماڻهن جو انبوه اُٿي ويو،
سچ کي هرڪو ڳولڻ،
ذري ذري کي هرڪو ڦولڻ،
مونکي وري سڀني ڇڏيو،
ڪو به سڃاڻي نه سگهيو،
عقل به پٽ پئجي ويو،
سچ پوئتي رهجي ويو.
**