شاعري

ڳولا

سنڌ سلامت ڪتاب گهر پاران منور سلطانہ جي شاعري ۽ ڪالمن جو مجموعو ”ڳولا“ اوھان اڳيان آڻي رھيا آھيو.

منور سلطانہ اڄ کان چار ڏهاڪا اڳ بہ مقبول ليکڪ رهي آهي، جنھن دؤر ۾ عورت جو گهر جي دروازي  کان ٻاهر نڪرڻ عيب هو، تعليمي شعور تہ پنھنجي جاءِ تي پر عورت کي بنيادي حق جي بہ ڄاڻ نہ هئي، اُن وقت منور سلطانہ جھڙين ليکڪن عورتن کي پنھنجي حقن جي تعليم ٿي ڏني. 


Title Cover of book ڳولا

آئينو

اندر تنهنجو آئينو آهي،
ڏس تون پاڻ ليئو پائي،
پير، بادشاهه ۽ فقير،
پسي توکي ٿيا سڀ فقير،
پاڻ کان پاڻ نه لڪائي،
اندر تنهنجو آئينو آهي.

تنهنجا مشتاق بي طلب،
اسان جو ذري ۾ به مطلب،
توتي منهنجي هجت آهي،
اندر منهنجو آئينو آهي.

جن به ليئو پائي ڇڏيو،
دنيا کي تن نه ڪڏهن طلبيو
توتي منهنجي توڪل آهي،
دُنيا اندر آئينو آهي.
**