شاعري

ڳولا

سنڌ سلامت ڪتاب گهر پاران منور سلطانہ جي شاعري ۽ ڪالمن جو مجموعو ”ڳولا“ اوھان اڳيان آڻي رھيا آھيو.

منور سلطانہ اڄ کان چار ڏهاڪا اڳ بہ مقبول ليکڪ رهي آهي، جنھن دؤر ۾ عورت جو گهر جي دروازي  کان ٻاهر نڪرڻ عيب هو، تعليمي شعور تہ پنھنجي جاءِ تي پر عورت کي بنيادي حق جي بہ ڄاڻ نہ هئي، اُن وقت منور سلطانہ جھڙين ليکڪن عورتن کي پنھنجي حقن جي تعليم ٿي ڏني. 


Title Cover of book ڳولا

اندر جو پاتال

منهنجي اندر ۾ جي ليئو پائيندين،
تون اگر ڪڏهن مون وٽ ايندي،
توکي ڪجهه ڪين نظر اچي سگهندو،
اونهي اونده جي وڏي پاتال کان سواءِ.

مون کان جيڪر تون ڪجهه پڇندين،
تون اگر ڪڏهن مون وٽ ايندين،
مان توکي سڀ ياد ڏياريندس،
شايد رڳو تنهنجي ضمير کان سواءِ.

تون ڪڏهن مون وٽ ڪو نه ايندين،
شايد پنهنجي ضمير کان ڊڄندين،
مون کي به سڃاني ڪو نه سگهندين،
شايد رڳو پنهنجي هٺ کان سواءِ.
**