شاعري

ڳولا

سنڌ سلامت ڪتاب گهر پاران منور سلطانہ جي شاعري ۽ ڪالمن جو مجموعو ”ڳولا“ اوھان اڳيان آڻي رھيا آھيو.

منور سلطانہ اڄ کان چار ڏهاڪا اڳ بہ مقبول ليکڪ رهي آهي، جنھن دؤر ۾ عورت جو گهر جي دروازي  کان ٻاهر نڪرڻ عيب هو، تعليمي شعور تہ پنھنجي جاءِ تي پر عورت کي بنيادي حق جي بہ ڄاڻ نہ هئي، اُن وقت منور سلطانہ جھڙين ليکڪن عورتن کي پنھنجي حقن جي تعليم ٿي ڏني. 


Title Cover of book ڳولا

مفاصلو

} مرحوم شمون جي ياد ۾{

تون فلڪ جي گهراين ۾،
مان پاتال جي اونداهين ۾،
هڪ ٻئي جي وجودکي ڳوليون ٿا.

تون نور جي روشنائين ۾،
مان غمن جي تاريڪين ۾،
هڪ ٻئي سان درد نه سليون ٿا.

تون چنڊ جي چانڊاڻ ۾،
مان سرابن جي اُهڃاڻ ۾،
هڪ ٻئي سان نه ملون ٿا.

تنهنجي منهنجي وچ ۾،
ست فلڪ – ست افق،
تنهنجي منهنجي وچ ۾.