”ابيات محبت رسول ﷺ“
مير مرسل مہ لقا محبوب ۽ منٺار آ
سچ پڇو يارو ته منهنجي سو هينئين جو هار آ
آسرو آ ان جو شفقت جو مون کي روز جزا
ڇو جو محبوب خدا نبين سندو سردار آ
شان ۽ رتبو سندس ڪهڙو چئي ڪهڙو چوان
مالڪ لولاڪ مرسل ۽ اڙين جو پڻ آڌار آ
آرزو آهي وڃان هيڪر مڪي ۽ مديني
جلوه جانب سندو ڪرڻو مون کي ديدار آ
دل چوي ٿي دور دنيا جي هنگامن کان هجان
ٿي وڃان گوشه نشين پر وڏو گهر ٻار آ
مذهب اسلام ۾ رهبانيت آ ناروا
من منهنجي جي نشيمن دور ڪا وڻڪار آ
دور شهري شغل کان ڪا هجي جهڳڙي سندم
ذڪر ۽ غور و فڪر جي لاءِ س درڪار آ
ڇو نه ”سانگي“ خوش ٿئي جو مهر مالڪ آ ڪئي
هن دنيا جي مال و دولت کان ٿيو بيزار آ