”وطن عزيز“
ممتاز ۽ منور تصوير ٿو ڏسان
بيدار ٿيندي پنهنجي تصوير ٿو ڏسان
پنهنجي وطن جي ٿيندي تعمير ٿو ڏسان!
نوجوان قوم جو ميخوار ٿي ويو
تعليم جو سرشتو بيڪار ٿي ويو
سياست سندو سفينو زير بار ٿي ويو
ڪشمير جي مٿان شمشير ٿو ڏسان!
امان و امان جي حالت ڪهڙي بيان ڪجي؟
ڪامورڪي به ذهنيت ڪهڙي عيان ڪجي!
سرادر قوم جو ڀي ڇا داستان ڪجي؟
مسڪين ماڻهو ملڪ جا دلگير ٿوڏسان!!
هر چيز ٿي مهانگي، هر ڪو رهي پريشان
جائز به ڪم نه ٿئي پيسا اگر نه ڏيان
ڌاڙيل چور ڪو آزاد پيو پسان!
جابر جي جا بجا جاگير ٿو ڏسان!!
هر گوشو گوشو ملڪ جو گلزار ٿي وڃي
ويران هي وطن سبزه زار ٿي وڃي
بيڪار شل! وطن جو باڪار ٿي وڃي
ٿينمدي وطن ۾ اهڙي تدبير ٿو ڏسان!!
”سانگي“ سندي دعا هر روز آ اها
وطن عزيز کي ڪر آباد يا خدا
شير وشڪر وڃن ٿي تنهنجا بندا خدا
گهلندي وطن ۾ اهڙي ٿڌڙي هير ٿو ڏسان!!