” اعتراف ۽ عجز انڪساري“
گنهگار آهيان، گنهگار آهيان
تنهنجي رحم جو مون طلبگار آهيان
خطا ڪار آهيان ۽ خطا ڪار آهيان
گناهن کان ليڪن مون بيزار آهيان
ننڍي کان وٺي مون نه ڪئي نيڪي ڪا
ازل کان ئي بڇڙو ۽ بدڪار آهيان
ڏسي منهنجي بدين ۽ بريان جو بچڪو
وڃي دل ڏڪي ٿي شرمسار آهيان
اچي تنهنجي در تي ٻڍاپي ۾ پهتس
ملي معافي مون کي عرضدار آهيان
مجازي صنم مون ڇڏيا سڀ وساري
سندءِ عشق ۽ محبت سان سرشار آهيان
الاهي بخش ٿو ڪري عرض تو در
ٿئي ڪا نوازش مون بيڪار آهيان
نه ساٿي نه سنگتي ڪو ”سانگي“ سندو
تنهنجي ئي مدد جو خواستگار آهيان