”التجا“
جهڙو تهڙو تنهنجو آهيان تنهنجي در تي آيو آهيان
واهه نه ٻي ڪا تو بن ڀانيان تنهنجي در تي آهيان
ميٽ مدايون مالڪ منهنجيون غرق گناهن۾ ٿي آيو آهيان
ڏوهه ڪيا ٿم ڏوهي آهيان، بخشس لاءِ تو در آيو آهيان
توبه تائب تو وٽ ٿيان ٿو، وعده پختو پڻ ڪيان ٿو
حڪم سندءِ تي هلڻ چاهيان ٿوڪرڻ نيزاري آيو آهيان
تنهنجي ئي در در جو طالب آهيان هر هر تو وٽ اچڻ ٿو چاهيان
پرت سندءِ جو پياسي آهيان تنهنجي ئي در تي آيو آهيان
احسان تنهنجو چار ڏنا ٿي هڪڙو پٽڙو اڃا ٿو چاهيان
پيءُ جو نالو مٿس رکايان تنهنجي در تي آيو آهيان
هيءُ الاهي بخش آهه تنهنجو اڄ ڀي تنهنجو صبحاڻ ڀي تنهنجو
”سانگي“ صوفي صاف سڏايان تنهنجي در تي آيو آهيان