جاهل ترين آهيان
مان بهترين آهيان
زرخيز ڪنهن خِطي جي
بنجر زمين آهيان
بي پردگي جو قائل
پردا نشين آهيان
دانشورو، بلا جو
ناهيان، ذهين آهيان
دنيا کڻي نه آهيان
دل آهيان دين آهيان
هر برتري جو منڪر
مان ڪمترين آهيان
منجهه هيترن حَسينن
مان ئي حَسِين آهيان
بي داڳ زاهدن جي
داڳيل جبين آهيان
او عشق آءٌ تنهنجو
ها نڪته چين آهيان
هونئن خشڪ هان بظاهر
طبعن رنگين آهيان
ناهيان کڻي فريبي
پر بدترين آهيان