ڪو به محفوظ ناهه شهرن ۾
واهڻن ڏي ورو اي انسانو
هڪٻئي سان ٺهي وڃو هاڻي
اوءِ دانائو اوءِ نادانو
ميزباني ٿي پوري دنيا جي
هاڻ برزخ ڏي موٽو مهمانو
مطمئن زندگي جي چڪرن مان
نڪرو جلدي ڪيو پريشانو
عشق ڪجهه ناهه پيار ڪجهه ناهي
عشق جا پيار جا ثنا خوانو
آهه ٻَڌرايو مون جيان ٻيو ڪنهن
هڪڙي عورت کان ٻانهن ۾ ڳانو
مان زبردست جنوني ماڻهو هان
مون کان پاسو ڪيو اي ديوانو
ڪنهن به آبادي ۾ ڏٺو آهي
شهر ڪنڌرا جو ههڙو ويرانو
هاڻ مئخانا سڀ ڪري برباد
هڪڙو قائم ڪيو لنگر خانو