الڳ سڀ کان رهڻ جهڙا اسين ماڻهو
نه ڪنهن سان ڀي ٺهڻ جهڙا اسين ماڻهو
ٿڌي چشمي جيان هستي اسان جي آ
۽ ميويدار وڻ جهڙا اسين ماڻهو
بدن جي ٿر تي ريگستان جي رڻ تي
ڪري ڇڇڪا وسڻ جهڙا اسين ماڻهو
گلابن جي نزاڪت جو نفاست جو
جبل سِر تي کڻڻ جهڙا اسين ماڻهو
هزارن جي هجومن جهڙي ماڻهن ۾
ڏسڻ جهڙا وڻڻ جهڙا اسين ماڻهو
اٿي هر هر ڪرڻ جهڙا اسين ماڻهو
ڪِري ٻيهر اٿڻ جهڙا اسين ماڻهو
کڻي اڳتي وڌڻ جو فن نٿا ڄاڻون
نه پر پُٺتي هٽڻ جهڙا اسين ماڻهو
اها ٻي ڳالهه آهي گهٽ هونداهِيون
مگر هر جا هجڻ جهڙا اسين ماڻهو