وچ بازار وڃائي ويندينءَ
تون به ته هٿ ڇڏائي ويندينءَ
منهنجي من ۾ ڪجهه به نه هوندو
من ۾ جهاتي پائي ويندينءَ
هڪ مون کي ناراض ڪري ٻين
سڀني کي پرچائي ويندينءَ
سڀ نُڪتا هُنَ بي سمجھن کي
نُڪتي ۾ سمجهائي ويندينءَ
هر الجھن سلجھيل ماڻهن جي
اٽڪل سان سلجھائي ويندينءَ
آءٌ نڀائي سگهندس ڪنهن سان
تون سڀ ساڻ نڀائي ويندينءَ
هُو جيڪي ڪنهن جي نه مڃن ٿا
تن کي ڀي ته مڃائي ويندينءَ
او سرڪش او باغي عورت
سڀ جا ڪنڌ جھڪائي ويندينءَ
مان ٻاريندس من ۾ ڏيئو
تون ايندينءَ اجھائي ويندينءَ
ٻين کي منهنجي ڳالهه ٻُڌائي
پنهنجي ڳالهه لِڪائي ويندينءَ