شاعري

نديءَ۾نهارون

هي ڪتاب خوبصورت شاعر ربڏنو خاصخيلي جي شاعريءَ جو مجموعو آهي.
ربڏني جي شاعري جو پنهنجو اسلوب ۽ ڊڪشن آهي. هن جي ٻولي ۾ لاڙ جي چانورن جهڙو هڳاءُ به آهي ۽ واهوندي جي هير به پسائي ٿو.
Title Cover of book نديءَ۾نهارون

ڪلهه جنهن خوب ڀانئيو اڄ سا نه ڏِسي ســڃاڻي ٿي

ڪلهه جنهن خوب ڀانئيو اڄ سا نه ڏِسي ســڃاڻي ٿي،
بارش کي اکيون ڪونه آهِن پوءِ به مٽيءَ سڃاڻي ٿي،

ابن ڏاڏن کان نسل اسان جو چنڊ جو مداح رهيو آهي،
چانڊوڪي سان ڪرايان تعارف ڪهڙو سنگت سڃاڻي ٿي،

ڏِس سامياڻي جي گودڙي ۾ اچي موئن جو دڙو لِڪو آهي،
تهذيب اسان جي اڄ به جاني پنهنجي رلي سڃاڻي ٿي،

پاڻي کي پتوڪهڙو ته ڪير مون مان آهي وِهنجي نڪتو،
ڪــــــارن وارن جي عظمت کي فقط ڦڻي سڃاڻي ٿي،

پيار جــــــي معاملي ۾ اصل ميهار بزدل نڪتا آهـن،
سهڻين جي وفائـــــــــــن کي قسم سان نديءَ سڃاڻي ٿي،

امان تو منهنجي پوني کي الائي ڪِٿي رکي ڇڏيو آهي،
هاڻ ٻهراڙي جي ڇوڪريءَ به ڪونه سڳي سڃاڻي ٿي،

هِن عشق ويچاري کي ڀــــــلي ستن آسمانن ۾ ويڙهيو،
پـر مـــــــــــومل جي ڳلن کي راڻي جي چُمي سڃاڻي ٿي.
