قوم جا محسن: نڪولس
حضرت محمد رسول اڪرم ﷺ گهڻي وقت اڪيلي سر سخت ترين دشمنن جي سامهون اڏول ٿي صداقت ۽ سچائي جي هدايت ڪندا رهيا. پاڻ سڀني خطرن جو مقابلو جوانمردي ۽ بهادري سان ڪيائون ۽ پنهنجن دشمنن کي کلي طرح چيائون ته ” اوهان جيڪي ڪجهه ڪرڻو آهي ڪريو پاڻ سڳورن جي زندگي جو هي شاندار واقعو اهڙو عجيب منظر پيش ڪري ٿو، جو اسان ان کي ڏسي ساڻن عقيدت ڪرڻ تي مجبور ٿي ٿا وڃون. صرف ويهن سالن ۾ پاڻ هر قسم جي ترقي جي راهه هموار ڪري ڇڏي ۽ اها ساڳي واٽ پوءِ عربن جي سياسي ترقي لاءِ شاهراهه ثابت ٿي.
دنيا ۾ جيڪي به انسان پئدا ٿيا آهن، تن ۾ پاڻ سڳورن پنهنجي قوم جي قسمت بدلائڻ ۾ اهم ڪردار ادا ڪيو آهي . مان يقين سان چوان ٿو ته پاڻ نه ڪوڙا هئا، نه رياڪار. پر اهو نهايت بي ريا، نهايت سچا ۽ پرجوش سڌارڪ هئا، ان تي سچو وحي ايندو هو، جهڙو حضرت عيسى تي ايندو هو.