مذهب

ثـنـاءِ مُصطفيٰﷺ (نعت ۽ مولود)

ڪتاب ”ثناءِ مُصطفيٰﷺ (نعت ۽ مولود)“ جو مرتب يوسف هاشمي صاحب آهي.
يوسف هاشمي صاحب لکي ٿو:
”هي ننڍڙو ڪتاب آقا... محبوبِ خدا... جنهن جي شان ۾ سڄو عالم ثنا خوان آهي...ڪجهه ساراهه جا آلاپ آهن.. جيڪي انهن شاعرن جي اندر مان لفظن جو روپ وٺي نڪتا... مون گدلي ۽ گنهگار انهن خوشبوء دار گلن کي هڪ هنڌ گڏ ڪري عقيدت طور سچي سردار جي خدمت ۾ پيش ڪيو آهي، جنهن لاءِ ڪائنات جي ربّ قرآن ۾ پاڻ فرمايو آهي ”بيشڪ اسان تنهنجي لاءِ تنهنجو ذڪر بلند ڪيو آهي.“
  • 4.5/5.0
  • 5138
  • 1422
  • آخري ڀيرو اپڊيٽ ٿيو:
  • يوسف هاشمي
  • ڇاپو پھريون
Title Cover of book ثـنـاءِ مُصطفيٰﷺ (نعت ۽ مولود)

پبلشر پاران

ڀٽائي بڪ هائوس جو پهريون ڪتاب ”ثناءِ مصطفيٰﷺ“ پياري پيغمبرﷺ جي شان ۾ چيل نعتن ۽ مولودن جو مجموعو آهي، جيڪو محترم يوسف هاشميءَ مرتب ڪيو آهي، اسان جي لاءِ ان کان وڌيڪ ٻي ڪهڙي خوشيءَ جي ڳالهه ٿيندي ته اسانجي اشاعتي سلسلي جي شروعات رحمة العالمين جي شان ۾ چيل نعتن ۽ مولودن جي هن ڪتاب سان ٿي رهي آهي.
ڀٽائي بڪ هائوس پاران جلد ئي ٻيا به انيڪ سستا ڪتاب ڇپائڻ جو ارادو رکون ٿا... اسانجو مقصد فقط اهو اهي ته سستا ۽ معياري ڪتاب ڇپايا وڃن ۽ خاص ڪري اُنهن موضوعن تي، جن تي سنڌيءَ ۾ ڪتابن جي کوٽ آهي، اميد اٿئون ته پڙهندڙ ڀائرن جي ساٿ ۽ سهڪار سان اسان جو هي شروع ڪيل سفر اڳتي وڌندو ويندو.

ذوالفقار