منور سارو جهان ٿي ويو ; عاشق هالائي
وائي اها ئي هر ڪنهن جي وات، مصطفيٰﷺ.
توکان اڳي انڌيرن، هو جڳ کي گهيريو،
اڄ روشنيءَ جي روشن آ رات، مصطفيٰﷺ.
تنهنجي ئي دم سان منور سارو جهان ٿي ويو،
آ نور جي وسي اڄ برسات، مصطفيٰﷺ.
ناهي قلم زبان کي ڪو ساراهه جو سليقو،
تنهنجي ذات آ بلاشڪ برڪات، مصطفيٰﷺ.
نالي وٺڻ سان جنهن جي ملي روح کي سڪون ٿو،
خود رب پڙهي ٿو توتي صلوات، مصطفيٰﷺ.
”عاشق“ کي پنهنجو روضو مبارڪ پسائيو،
شب روز آهي جنهن کي فڪرات، مصطفيٰﷺ.