تون وسيلو ولهن جو... مصري شاهه
ڪريان ڪرم تنهنجي جون ڪهڙيون ڪهاڻيون.
شفيع المذنبين مُرسل مڙن جو،
وهر واهه ور تون وسيلو ولهن جو،
اصل عاجزيون آهن آن در اگهاڻيون.
وييون جي وڙان لوڪ لوڌي لنگهايون،
اوهان ڏئي انعامون سي پيرل پهرايون،
ڪرين ساڻ ڪوجهن تون رءَ ريءَ رهاڻيون.
نه ڪي بزم نه ڪرت وڄا مون کان ويئي،
اٿئي حال معلوم هادي مڙيئي،
سَڏي سڳر پنهنجي تو رهبر رهاڻيون.
مسڪين ’مصري‘ جون سُڻ تون صدائون،
پُڄائج پيغمبر من جون مدعائون،
مرادون محمدﷺ مڙن توکان ماڻيون.