آخر عليھ للنبوة خاتم... منظوم ترجمو ; حضرت حسان بن ثابت/مترجم: محبوب سروري
خدا طرفان ظاهر ۽ روشن شهادت.
وٺي پنج ڀيرا ٿو هر روز ٻانگو،
باسم خدا اسم فخر رسالت،
خدا آهه محمود ۽ هي آ محمدصه،
ڏنئين اُن کي هڪ جهڙي نالي سان نسبت،
گهڻي وقتِ پُر خوف کان پوءِ آيو،
جڏهن ٿي بُتن جي ڪئي وئي عبادت!
چمڪ ڄڻڪ صقيل ڪيل تيغ هِندي،
سراجُ منيراً، چراغِ هدايت.
اسان کي ڏيڻ خوف دوزخ جو آيو،
۽ جنت جي آيو کڻي هو بشارت.
ڏني جنهن آ تعليمِ اسلام اسان کي،
بحمدِ خدا درسِ حق و صداقت.
تون رب منهنجو، خالق، تون سائين سڀن جو،
سڄي عمر ماڻهن ۾ ڏيندس شهادت.
بلند تن جي اقوال کان آهين موليٰ!
جي توکان سوا ڪَن ٻين جي عبادت.
تون خالق، تون نعمت ڪندڙ تون ئي حاڪم،
ڪيون تنهنجي ٻانهپ، گهرون ٿا هدايت.