مهر نبوت شان وڏا.. ; صوفي فقير سيد انور علي شاهه
دما دم نبيﷺ نبيﷺ سردار.
يٰسٓ دا سِر تي تاج تيڏا، لولاڪ لَما دا ڏاج تيڏا،
ملڪ افلاڪي اڄ تيڏا، هين مالڪ خود مختيار.
لااِلھ دا مان وڏا، الاالله نيشان وڏا،
مُهرِ نبوت شان وڏا، اولاد تيڏي هَسوار.
تيڏا پنجتن پاڪ دا نام، لحمڪ لحمي محضِ ڪلامِ،
فرش ڪنون ول عرش انجامِ، معراج والي گفتار.
مظهر نور حقيقي حق تي، ظاهر باطن عين خلق تي،
جن بشر تي ملڪ فلڪ تي، تيڏي هي پچار.
تيڏي هي درگاهه الاهي، انا احمد ملي گواهي،
ڪنهن سانگي آيوئين سڏا سپاهي، هادي بن هر بار.
تيڏي هي درٻار جو عالي، آون لک هزاران سوالي،
مين جيهي مسڪين موالي، گدا ڪرن هيڪ وار.
مين سوالي پنجان دي در دا، سگ دربان ”علي انور“ دا،
مگن مداحي تئون مظهر دا، تيڏي هي درڪار.