دلربا جي در مٿي... ; سيد پير غلام جيلاني شاهه
حاضري جلدي وري، خيرالوريٰ جي ٿِئي نصيب.
سبز گُنبذ کي وڃي، هيڪر اکين سان مان ڏسان،
مَن زارِ قبري جي بشارت، سا شفا جي ٿِئي نصيب.
يار جي يارو غلامن جي وڃي اوبر کينئان،
اوءَ سعادت مون کي هاڻي، تنهن غذا جي ٿِئي نصيب.
دلربا جي در مٿي، ديدار لئه دانهيان وڃي،
ڪا نوازش ايئن ادا، دلبر رضا جي ٿئي نصيب.
هاءِ هيرون ياد ٿيون، مون کي مديني جون اچن،
مُشڪ عنبر واري خوشبو، اُن فضا جي ٿِئي نصيب.
”پير“ کي شل در مٿي، دايو ڪري دلبر رکي،
اُت غلامي مون کي سا، نورالهُدي جي ٿيئي نصيب.