آهين تون ئي اجهو آڌر... ; مخدوم محمد امين فهيم
تون سائين ۽ سخي سرور انهي ۾ ڪو به شڪ ناهي.
مان پڻ تنهن جي ئي دامن کي، جهليو ويٺو آهيان داتا،
ڪيو قادر اٿئي اڪبر انهي ۾ ڪو به شڪ ناهي.
محمد مير مرسل سار لهه ساجهر اچي سائين،
مڙن جي آهين ڀيڻي ڀر انهي ۾ ڪو به شڪ ناهي.
ڏئي شل پاند پنهنجي لطف سان ڍولڻ ڍڪين مون کي،
آهين تون ئي اجهو آڌر، انهي ۾ ڪو به شڪ ناهي.
خدارا ڪر مدد منهنجي اچي محبوب مولا جا،
نه تو ريءَ آهي ڪا واهر، انهي ۾ ڪو به شڪ ناهي.
سوين خالي ويا حاصل ڪري سڀ ڪجهه سندءِ در تان،
ٻيو ڪو ناهي اهڙو در انهي ۾ ڪو به شڪ ناهي.
جمال يار جو همسر ڀلا ٻيو ڪير ٿي سگهندو،
گهڻو ئي گهٽ مههِ انور، انهي ۾ ڪوبه شڪ ناهي.
مدد منهنجي ”امين“ آهي محمدؐ ڄام سونهارو،
نه جنهن جو آهي ڪو همسر، انهي ۾ ڪو به شڪ ناهي.