اسان جو شافع محشر ; حسين بخش ”مرتضائي“
مڪينون لامڪان اظهر، محمدﷺ آ رسول الله.
ٿيو هر وقت ۾ حامي، دين دنيا ۽ عقبيٰ ۾،
ممالڪ دوجهان سرور، محمدﷺ آ رسول الله.
الف ۽ لام آهي، ميم مان ظاهر مراد اهڙي،
قرآن کان به وڌيڪ بهتر، محمدﷺ آ رسول الله.
ڪري جبرئيل تي سواري، شبِ معراج جي جلدي،
ٿيو صدرِ عُليٰ مقرر، محمدﷺ آ رسول الله.
جنهن جي نور کان روشن، ٿيو سارو جهان آهي،
مٺو محبوب سو منور، محمدﷺ آ رسول الله.
آهن هڪ لک ٿيا چوويهه هزار پيدا ته پيغمبر،
الله سڀ جو ڪيو افسر، محمدﷺ آ رسول الله.
لطافت ”مرتضائي“ ڪئي خد ايمان وارن تي،
جنين لاءِ ٿيو اهڙو رهبر، محمدﷺ آ رسول الله.