بخشش جو بادل اچي ويو ; محسن شاهه
خُدا پَاڪ جو نُور نِرمل اَچي ويو.
پَکِي پِيا پَڙهن سِڪَ کان صَلّو عَليٰ،
ته باغِ مَدِيني جو بُلبُل اَچي ويو.
گهوريو گهوٽَ تان گَنج گوهر گُلابَ،
جو طهٰ ڌڻي با تَجَمّل اَچي ويو.
وَسائي رَعيت تي رَحمت جا مِينهن،
ڀَلائي ۽ بخشش جو بَادل اَچي ويو.
مَلَڪَ ٿا فَلَڪ تي چَوَن مَرحبا،
شِفَاعَت ڌڻي شمس شامل اَچي ويو.
ڀَري جهولي موتين سان ”مُحسن شاهه“ جِي،
سَخا جي سمنڊ وَٽ هي سَائِلَ اَچي ويو