شاهد جهان ۾ آهي... خليفو محمد عمر ’اختر هالائي‘
”ڪيئن ٿئي ادا زبان سان رسول خدا جو شان“.
هر جلوه مدينه ۾ نور هديٰ جو شان،
هر ذره حجاز ۾ ارض و سما جو شان.
ڀانيان وڃي حرم جي گلن کي چُميون ڏيان،
يا رب! تون مون کي ڪر عطا بادِ صبا جو شان.
ڇا سيم و زر سان گنبذِ خضرا جو شان ٿئي،
خاڪِ درِ نبي ٿي رکي ڪيميا جو شان.
اي ڪاش منهنجون هي ٻه اکيون فرشِ راه ٿين،
ڪنهن جي گذر سان من ملي اهلِ ادا جو شان!
شاهد جهان ۾ آهي محمدﷺ جي حسن جو،
رنگِ حنا جو شان ۽ زلفِ دوتا جو شان.
”اختر“ جي التجا ٿي رهي روز و شب اها،
شل ٿئي عطا اطاعتِ خيرالورا جو شان.