سڄو خود نور آ محمدﷺ ; حسن درس
خُدا جو خيال آ محمدﷺ، پرين جو پور آ محمدﷺ.
ڀريل پئمانو آ محمدﷺ، سڄو مئخانو آ محمدﷺ.
خماريل نيڻ سهڻي جا، سڄو مخمور آ محمدﷺ.
پٿر تي ليڪ آ محمدﷺ، سمندر ساهه آ محمدﷺ،
جبل جي جوٽ آ محمدﷺ، ٻٻر جو ٻور آ محمدﷺ.
ستارا چنڊ ۽ سورج، سدائين عشق جنهنجي ۾،
صبح جو سحر آ سائين، سڄو مسحور آ محمدﷺ.
ڪجل هُن جا تجل هن جا، ازل آخر اُهوئي آ،
نڪو آدم نڪو عيسيٰ، نه موسيٰ طور آ محمدﷺ.
فقيرن جا پنڻ پيالا، سدائين ٿو ڪرين پُرڪش،
ڀلارو ڀرجهلو آهي، ڀلو ڀرپور آ محمدﷺ.
عليءَ جي ڳليءَ جو ڪُتڙو، مان تنهنجي شهر جو ڪُتڙو
سدا سيوهڻ، ڀٽائي ڀٽ، مون کي منظور آ محمدﷺ.
عدالت عشق جي ۾ آ کڙو محمد حسن شاهد،
محمدﷺ من ۾ اٿئي ويٺو چوين ٿو دُور آ محمدﷺ.