شاعري

ڌِيمي وَهِڪَ درياهه جي

ڌِيمي وَهِڪ درياء جي سنڌ جي خوبصورت شاعر مشتاق سعيد جي شاعريءَ تي مشتمل آهي
  • 4.5/5.0
  • 3341
  • 718
  • آخري ڀيرو اپڊيٽ ٿيو:
  • مشتاق سعيد
  • ڇاپو پھريون
Title Cover of book ڌِيمي وَهِڪَ درياهه جي

موت کي تون ڇڏ قبولي، زندگيءَ کي ڇا ڪندين،

موت کي تون ڇڏ قبولي، زندگيءَ کي ڇا ڪندين،
زندگي آ بي وسي تون بي وسيءَ کي ڇا ڪندين . . . ؟

نيڻ نيڻن سان ملائي، تو ڪرين ٿو پيو قتل،
سا ئي آهي رهزني ٻي رهزنيءَ کي ڇا ڪندين . . . ؟

بندگي آ بندگي پر، شال راضي هو ٿئي،
جنهن ۾ جانب ٿئي نه راضي بندگيءَ کي ڇا ڪندين . . . ؟

بي وفا هي آ زمانو، دل لڳيءَ ۾ درد آ،
دردَ توکان ڪين سهبا دل لڳيءَ کي ڇا ڪندين . . . ؟

پيار کي اي “سعيد” تون ڇو، ايڏو بهتر ٿو چوين،
زندگي جا ٿِي اجاڙي بهتريءَ کي ڇا ڪندين . . . ؟