جسٽيفڪيشن
لَو ميرج ڪئي
پر پوءِ بہ
هو چھري جي معصوميت
۽ لفظن جي نماڻي ڪوڙڪيءَ ۾
نوجوان ڇوڪريون ڦاسائيندو آهي
۽ ڪلاڪن جا ڪلاڪ
فون تي ساڻن
دل لڳي ڪندو آهي
اندر جي حيوانيت لاءِ
هن وٽ ڪيئي
جواز آهن
سندس چوڻ آهي
کيس پرواھہ نہ آهي
جو سندس زال ٽي ٻار ڄڻي
(چوٿين جي تياري
۾ آهي).
بي ڊولي ٿي چڪي آهي
پر اصل شڪايت اها آهي تہ
ورڪنگ ويمن سندس زال
آفيس ۽ ٻارن ۾ سڄو ڏينھن
مٿو کپائي ٿڪجي
رات جو کيس
ريگيولر ٽائيم نہ ٿي ڏيئي سگهي!
○