نئين موسم جي ڦھلي آ خوشبوءِ
نئين مُندَ جي ڦھلي خوشبوءِ
ڪويل ٻولي ٿي سائي لام تي
ساوڪ جو وسڪارو چؤپاسي
ٽاري ٽاري مھڪي اٿي آ
سج ورهائي ٿو شيتل ڪرڻا
ساوڪ سونو ويس ڍڪي ٿي
پکين جون مٺڙيون لاتيون سڻ
کنڀن ۾ سنسار وسي ٿو
نيري اڀ تي اڇا بادل
لھرن ۾ ڄڻ ٻگهہ ترن ٿا
بادلن ڀرسان جا هير گهُلي ٿي
هير اُها من ۾ هري ٿي
سوچ ۾ ڄڻ آڪاش وسي ٿو
ڄڻ سمورو سنسار وسي ٿو
چنڊ ستارا ۽ سج جون جهاتيون
چانڊوڪيءَ جون مٺڙيون باتيون
هڪ سمورو ڏينھن ٽڙي ٿو
هڪ سڄو سنسار مھڪي ٿو
نئين موسم جي ڦھلي خوشبوءِ
ٽاري ٽاري ٻھڪي اٿي آ
○