شاعري

لڙڪن جي زبان

مرحوم عبدالحق ساريو صاحب جي نظمن جو ڪتاب ”لڙڪن جي زبان“ حاضر آهي.
هو حساس دل جو مالڪ هو، هن وٽ هر انسان جو مرتبو اعلى درجي جو هو. هن وٽ ڪنھن ذات پات، مذهب، نسل ۽ دولت جي بجاءِ هڪ محبت جو پوتر جذبو هو. جنھن انسانن سان محبت جا ڪيترائي مثال قائم ڪري ڇڏيا هئا. هو جڏهن پنھنجو اظھار لفظن سان نه ڪري سگهندو هو، تڏهن قلم ۽ لڙڪن جي زبان هن جي اظھار جو وڌيڪ بھتر ۽ مؤثر ذريعو هئا. هو فطرت، سماج ۽ حضرت انسان جي پوڄا جي حد تائين احترام رکندو هو.
Title Cover of book لڙڪن جي زبان

رڃ ۽ رڙيون

زندگي محبوبه جي ڳل ٿي،
اڪريل ڪاري تر جيان نه آهي،
زندگي اوڻٽيهين رات جي،
گهري اونداهي آهي.
جنهن ۾ سڀ رشتا ۽ رستا،
وڃائجي وڃن ٿا،
۽ ماڻهو،
هميشه هميشه لاءِ
رڃ ۾ رڙيون ڪندو رهي ٿو.