هر جاءَ هلے برابر، حاڪم اَمُر اِلاهي،: حمد باري تعاليٰ ﷻ
اُنهدي عجيب قدرت، ڪيا ڪيا نه رنگ هے لائي،
عرشاں تے انهدي قدرت، فرشاں تے اُنهدي قدرت،
رازق هے رنگ ربّﷻ دا، رکهے خيال سڀ دا،
انهدي سخا نرالي، سائل نه جاوے خالي،
رحمت بڻا ڪڪر دي، رکهے او سُڌءَ بر دي،
صحرا نوں جر ڏيتوني، پنچهي نوں پَر ڏيتوني،
حاضر هوا فضا وچ، واحد تيڏي وڏائي،
مادي بڻائے نر تو، جبل تے جهنگ جهر تو،
سورج نوں روشنائي، بخشئي قمر سهائي،
ستارے سڀ سفر وچ، رهندے تيڏے امر وچ،
هر رنگ روپ دے وچ، سائے ۽ ڌوپ دے وچ،
نروار نور تيڏا، ظاهر ظهور تيڏا،
حيرت لڳــے نظر ڪوں، وھ واھ تيڏي خدائي.
حيوان، جنّ، بشر سڀ، شمسُ، قمر، شجر سڀ،
اوندے بهي تيڏے طرفون، ويندے بهي تيڏے طرفون،
روح دي ھے خاڪ ماڙي، جهندي ڪونهي پڇاڙي،
اول بهي توں هِي آخر، باطن بهي توں هِي ظاهر،
مئيں زير توں زبر وچ، تون پاڪ مئيں تاں گر وچ،
تيڪوں ھے سُڌءَ سموري، ميڪوں نه ڪَل ھے ڪائي.
مئيں تاں جڏهاں بهي مُجهدا، تيڪوں هان ڪردا سجدا،
ڪر ڏوھ ٿيم مئيں ڪالا، پر رحمت تيڏي ھے اعليٰ،
توں مصطفيٰﷺ دے صدقے، اپڻي سخا دے صدقے،
ڪُل انبيآءَ دے صدقے، سيدة النّسآءَ دے صدقے،
سينا اے صاف ڪر توں، مدياں ڪوں معاف ڪر توں،
“وسيم” معافي منگدا، سجدے چه سر نمائي.