آس منهنجي من سندي : نعت رسول مقبولﷺ
ٿلھ: آس منهنجي من سندي، پرور ڪا پهچائي سگهي،
اي موت ترسي پئو، مديني ڏي سنبت آهي سگهي،
پَر نه ٿيو، سڏڙو سڄڻ جو، هيل سڏ ساريان پيو،
اڄ سڀاڻي ٿو وڃان، خوشين ۾ ڏينهن گهاريان پيو،
قسمت ٽٽل منهنجي ڦٽل، مولا ڪا هي ٺاهي سگهي،
کوڙ پيا عاشق وڃن، منهنجي پرين جي پار ڏي،
مون گداگر کي ڪڏهن، دلبر دلي ديدارُ ڏي،
سڪ منهنجي دل سندي، مولا ڪا مَن لاهي سگهي،
شهر تنهنجي جي گهٽي، ها گهوٽ مان گهمندس گهڻي،
چائٺ تنهنجي دَرَ سندي، چميون ڏيئي چمندس گهڻي،
هڪ رات پنهنجي پار ڏي، دلبر ڪا ترسائي سگهي،
شل مديني پار ڏي، منهنجو وڃڻ ويجهو هجي،
“وسيم” شل مونکي سدا، منهنجو سڄڻ ويجهو هجي،
موٽ تون مرسلَ حياتي، وقت پيو کائي سگهي،