مون گيت غزل هِت کوڙ لکيا : نعت رسول مقبولﷺ
مون گيت غزل هِت کوڙ لکيا، سرڪار جي ڳالھ الڳ شيءِ آ.
آدم ۽ عيسيٰ هڪ پاسي منهنجي يار جي ڳالھ الڳ شيءِ آ.
ڪن مَلَڪَ ادب مهمانن جو، آقا جي در انسانن جو.
اهو شان اٿئي دربانن جو، دربار جي ڳالھ الڳ شيءِ آ.
مون سان ڳالھ نه ڪر تون حسينن جي، جنّت جي حور جبينن جي.
منهنجي يار جي پير جي جتين جي، چمڪار جي ڳالھ الڳ شيءِ آ.
آ زور حُسن چنڊ تارن تي، بلبل ۽ باغ بهارن تي.
والّيل جي زلفن ڪارن تي، دستار جي ڳالھ الڳ شيءِ آ.
ڪيون چاليھ چريون ٿي پيو ڇا جي، يوسف محبوب زليخاi جي.
آ قسم حضور حليمهi جي، پڳدار جي ڳالھ الڳ شيءِ آ.
مُنهن ڪِينَ لڳان دولتمند جي، ملي “وسيم” کي درشن جي ونڊ جي.
جنّت کان وڌ محمدﷺ جي، ديدار جي ڳالھ الڳ شيءِ آ.