مان وري، وري، وري، وڃان : نعت رسول مقبولﷺ
مان وري، وري، وري، وڃان،
مصطفيٰﷺ جي در، مري، وڃان،
اي خدا لکين ته لِک اهو، مصطفيٰ جي در هجان ڏيئو،
تيل کانسواءِ، ٻري وڃان.
يار ۾ وجهي رکان اکيون، مرڻ گهڙي عمر سڄي يڪيون،
ڏسندي ڏسندي مان ڳري وڃان.
در “نبي” جي التجاءِ ڪجو، منهنجي لئه ڀي ڪا دعا ڪجو،
ڀاڳ جي کُلي دري، وڃان.
لوڪ کي ڏيئي مان چاهتون، روح جون ڏيئي مان راحتون،
لوڪ جي اڳيان ٽري وڃان،
تنهنجي نظر نگاه ٿي پوي، “وسيم” لوڪ کي به جهٽ چوي،
اڄ سڀاڻي ٿو پرِينءَ وڃان.