مليو هر رنگ ۾ مونکي : ڪافي
مليو هر رنگ ۾ مونکي، آ منهنجي يار، جو جلوو،
سدا سنسار ۾ ثابت سڄڻ سرڪار، جو جلوو.
عيادت تو ڪئي جن جي، ٺهي تقدير وئي تن جي،
ڏَسيان تنهن مهل ڇا هوندو، اُنهيءَ بيمار، جو جلوو.
سونهري وار سڀ سهڻا، سندس سينگار سڀ سهڻا،
کڻي دل کي ويو دلبر، تنهنجي دستار، جو جلوو.
نڪي ڪو مُلڪ ٿيو مٽ آ، چوان جنّت تڏهن گهٽ آ،
پسيو جنهين تنهين کان پڇ، پرين جي پار، جو جلوو.
ادب ۾ التجاءَ آهي، اوهان جي هٿ عطاء آهي،
“وسيم” دل سان نوازيو اڄ، ڏيئي ديدار، جو جلوو.