تو ڪيون باغ وبهاريون : نعت رسول مقبولﷺ
تو لئه سڪن اکڙيون اڃاريون يا محمّد مصطفيٰﷺ.
ڇا سينگاريان ڇا سينگاريان، تنهنجي آمد تي عجيب،
خود ڪيون مولا ملهاريون، يا محمّد مصطفيٰﷺ.
مُلڪ تو مرسل سندو، ڇا چئي ڇا ڇا چوان،
تو گليون گذري اجاريون، يا محمّد مصطفيٰﷺ.
درٻار سهڻي آ سڄي، دربان تنهن جا دلربا،
عمريون غلامي ۾ گذاريون، يا محمّد مصطفيٰﷺ.
سنسار جي بيشڪ وڌي، تنهنجي اچڻ سان آبرو،
ٿا پچر تنهنجي پچاريون، يا محمّد مصطفيٰﷺ.
“وسيم” تي ڪر ڪا نظر، ڪنهن مهل محبوبِ خداﷺ،
ترت ٿين تو ڏي تياريون، يا محمّد مصطفيٰﷺ.