ڪئي جيڪا خدا هوندي : نعت رسول مقبولﷺ
ڪئي جيڪا خدا هوندي، محمدﷺ جي ثناء هوندي،
۽ جيڪا جاءَ بجاءَ هوندي، محمدﷺ جي ثناء هوندي.
تون ڀي فاني، ۽ مان فاني، سڄو جڳ جوڙ آ فاني،
مگر جنهن کي بقا هوندي، محمدﷺ جي ثناء هوندي.
دنيا ۾ ڪئي مٿي مونکان، دنيا ۾ ڪئي مٿي توکان،
سڄي جڳ کان جدا هوندي، محمدﷺ جي ثناء هوندي.
نه هِن جو انت تو تائين، نه هِن جو انت مون تائين،
ذات جيسين خدا هوندي، محمدﷺ جي ثناء هوندي.
“وسيم” هُن جو ثناگر ٿي، گذاريندو گداگر ٿي،
هي دل جيسين زُبان هوندي، محمدﷺ جي ثناء هوندي.