محتاج نه ٿيا ٿيندا مستانا : نعت رسول مقبولﷺ
محتاج نه ٿيا ٿيندا مستانا، محمدﷺ جا،
دنيا ۾ ڏٺم اعليٰ ديوانا، محمدﷺ جا.
جيئن جيئن ٿا سڙن سڪ ۾تيئن تيئن ٿا چٽا چمڪن،
پدمن ۾ آهن پڌرا پروانا، محمدﷺ جا.
مدهوش مديني جون پيئو مَئي ٿا گهمن گهٽيون،
من ۾ ئي مليا تن کي ميخانا، محمدﷺ جا.
اصحاب نبي نرمل سڄو فرش فدا ٿي ويو،
ست عرش ملائڪ ڪن شڪرانا، محمدﷺ جا.
“وسيم” ثناگر ٿي صلوات سدا پڙهندو،
مولود پيو لکندو روزانا، محمدﷺ جا.