سڏ ۾ سڄڻ ٿو سڏ ڏيئي : نعت رسول مقبولﷺ
سڏ ۾ سڄڻ ٿو سڏ ڏيئي، دلبر هجي اهڙو هجي،
سلطان ۽ صاحب سچو، سروَر هجي اهڙو هجي،
صديق، عمر ۽ عثمان، حيدر قلندر ڪيترا،
هن در ڪيا غوثُ قطب، جي در هجي اهڙو هجي،
هڪ هڪ وٺي حاضر ٿيو، ڪامل سجائي ڪربلا،
سي دين تان ڪُل گهور ٿيا، جي گهر هجي اهڙو هجي،
بي زر کي تو با زرّ ڪيو،نابين کي نظرون ڏنئي،
سي گهور ٿي چوندا ويا، گوهر هجي اهڙو هجي،
“وسيم” ڏي محبوب جي، درجي غلامي ايتري،
توکي ڏسي دنيا چوي، نوڪر هجي اهڙو هجي.